السلام عليكم ورحمة الله وبركاته
حبيت أطرح عليكم هذا الموضوع للنقاش وابداء الرأي
بصفتي كوالد بدأت أشوف الدنيا بعيون أولآدي بعد ما كنت أنا اللي أشور وأتخذ القرار
في السابق كانت البنت تنتظر اليوم اللي بيتقدم فيه حد لطلب ايدها للزواج .
أما في هذي الأيام أشوف الأمور تغيرت وبسرعة عجيبه تغير حال الشباب وصار الكل
يقلد بعضه البنت تريد الوظيفه راتب وسياره آخر موديل ( وما يعجبهم غير الأوروبي بعد )
وما حد فيهم يريد تحمل المسؤليه ويوم يتقدم حد من الشباب اللي هم تغيرو بدورهم
يفضل الزوجه الموظفه جاهزه مجهزه وسيارتها فوق البيعه،على البنت اللي ما تشتغل
المشكله ان البنات الحين ما يفكرن الآ في اللبس والكشخه والخروج للتسوق
والمشي في المولآت وصرف راتبها كله على أمور ثانويه في الحياة بس للأسف صار لها الأولية
مثل العطروات والمكياج والأكسسوارات والملآبس والأحذية الخ …..
صار ما ينقصها شيء وتخاف ان المعرس عنده طمع براتبها ومعاشها وان الزواج زواج مصلحه
والشباب هالأيام صار تفكيرهم ان البنت أصبحت تريد معاش خاص للصرف عليها ( معهم حق )
يقول انا ما اقدر على طلباتها واسرافها من وين اجيب راتب ثاني لها خليها تشتغل وراتبها
تصرفه على نفسها . !!!!!!!!!!!!!!!
ما اريد اطول عليكم مع ان الموضوع طووووووووووويل ويستاهل الطرح لايجاد الحلول المناسبه
وين الغلط أو الخلل بالضبط وكيف نقدر نعيد تفكير الشباب للطريق الصحيح ونعلمهم القناعه
اعطونا آرآءكم والسموحه من الجميع
ابو احمد
كله مطلوب لكن دون يطغى واحد على حق الثانى
الزواج مطلوب لاستعفاف النفوس
والوظيفة مطلوبة لحفظ الكرامة و لستر الحال مو اكثر
والزواج لكن الوظيفة مهمة جدااااااااااااااا للفتاة مهمة جداااااااااااااااا
في نظري الوظيفة تكون في الدرجة الاولى للبنت مش لأنها أهم من الرجل أو الزوج ، ولكن الوظيفة تعطي البنت نوع من الثقة وشعور بالاستقلالية فهي بوظيفتها تقدر ترفع حاجتها عن الرجل في جانب “عطني” فلأفضل انها تشتغل وتكف يدها عن الرجل من ناحية المصرف وتخلص نفسها من المحاسبه في شو صرفتي الفلوس اللي عطيتج ايها .
الزواج …………… لسبب الزواج يوفر للبنت الاستقرار النفسي والمادي والعائلي
في حين الوظيفة فقط مااااادي ………..
لدى كل بنت غريزة الأمومة واللي يضمنها الزواج بعكس الوظيفة
لك كل شكري
في نظري البيت وتربية العيال هو اهم شي للبنت
الاشياء الباقية مكملة و زائلة والبركة بالزوج هو يقدر يوفر هالشي
طبعا في بعض الاستثناءات مثل ان تكون البنت موهوبه مثلا بالطب وتكون دكتوره او عالمه