الموقف اليوم مب فلم هندي … لانه حصل لاحد الاخوه… لو كنت مكانه شو بتسوي
الحبيب يداوم في احدى الجهات…. و تعلق قلبه بأحدى زميلاته في العمل
و كان حب عذري و صافي
سأل عنها و عن أهلها…و الجواب كان و النعم فيهم
كلمها و صارحها بحبه…… قالت بيت ابوي يرحب
كبرت في عينه … و قالها ابا الجواب منج اول… قالت عطني فرصة افكر
و بعد كم من يوم قالت موافقه
طار الريال من الفرحة و سار و خبر اهله و بس يالسين يتريون ابوها يرد من السفر عشان يتقدمون
و عاشوا اجمل لحظات حياتهم في هالفترة… سمن على عسل…. و تقربوا من بعض اكثر
و سار الحبيب يدور على عش الزوجية و يجهزه مدة ابوها يرد من السفر… و اشترى الهدايا و يالس يزهب عمره حق العرس دام انها موافقه
بس يوم رد شيبتها من السفر
قالتله يا فلان : انا فقلبي حد ثاني….و بس خلنا اصدقاء..!!!!!!
لو كنتوا مكان هالريال شو بتسوون؟؟؟؟؟؟؟
بكل صراحة
لو كنت مكانه يا الغالي
جان بدق الموتر سلف وبنصخ على التواير
وبسير اقرب عرقوب في البر
وباخذلي حجر سلوم وبقول:
سلمو لي على اللي سمّ حالي فراقـه ××× حسبي الله على اللي حال بيني وبينه
قايد الريـم تاخذنـي عليـه الشفاقـه ××× ليتني طول عمري خاتم ٍ في يمينه
سلمو لي على اللي سمّ حالي فراقـه ××× حسبي الله على اللي حال بيني وبينه
قايد الريـم تاخذنـي عليـه الشفاقـه ××× ليتني طول عمري خاتم ٍ في يمينه
وعقبها بنســـــــــــــــاها الى الابد
يعني سو لقلبك format
شكرا اخوي احساس الشارجة عالمشاركة
بس يا خوي البنية قالت انه في قلبها واحد…. و كانت صادقه في كلامها…!!!!!
بانتظار الردود
يمكن ابوها رفضه بس هي ماحبت تجرحه فقالت له ان في قلبها حد ثاني
ماتعرف شو ظروفها
الي خلقها خلق مليون غيرها ..
بس قبل كل شي بحاول اعرف شو الموضوع .. او شوالسالفه
مش ممكن كانت موافقه وعند رجعة والدها ترفض !!
يمكن كانت في ضغوطات ..او يمكن فاهمه شي غلط او سامعه شي غلط ..
وبنفس الوقت الواحد بيعرف وبيحكم على شخصية هاي الانسانه
اذا كانت صادقه بمشاعرها او انسانه لعابه ..
الصرحه بكولهاكككككككككككيف الحاااااال