السلام عليكم
بدش في الموضوع على طووول >>>> مب متعوده تكتب مواضيع 
انا مقهووووورة من موقف استوالي اليوم في اللولو سنتر مال الوحده مول
انا متعوده اشتري كل اسبوع فاكهه احبها اتمنى الكل يعرفها واللي هي البوروجو (بحاول انزل صورة)
كل اسبوع اخذها ب 12 درهم للكيلو
رحت الله يسلمكم ها الاسبوع وقاعده توزن لي الفلبينية جان ينكتب عندها 89.90 درهم!!!!!!!!!!!!!!!!!!!!
قلتلها لوسمحتي ترى في خطأ في السعر قالتلي لا هذا هو السعر ها الاسبووووووع!!!!!!!!!!!!!
قلتلها ازقريلي المدير… قلت له توني الاسبوع اللي طاف ماخذه الفاكه ب 12 درهم ها الاسبوع 89.9 درهم شحقه
قال ترى هاي يايه بالطيارة من امريكا!!!!!! قلت له ما اشوف ينحان الطيارة 
وانا شو دخلني… جان يبتوها بالباخرة!!!
جان يضايق وقالي هذا اللي عندنا والسعر تغير وجان تبينها شليها
جان اقوله لا خليها يمكن الرئيس الامريكي خاطره ياكل بوروجو ها الاسبوع
جان يطالعني بنظرة بغا يطيرني من مكاني 
… قلت له ببلغ عليكم قالي اللي تبين تسوينه سويييه
صدق قهههههههههههههههرررررر عنبوه من 12 ل 89.90 درهم الا فاكهه هي وليش يعني ها الاسبوع يابوها بالطيارة وليش الاسبوع اللي طاف كانت ب 12 درهم!!!!!!!!!!!
هالفاكهة شو يلي ينأكل فيها البذور ولا اللب الصراحة شكلها غريب
سامحوني على عدم ردي عقب ما نزلت الموضوع لاني سافرت طووووول الاسبوع اللي طاف وتوني راده البارحه
ومشكوووورين على ردودكم
وبعدني ما رديت اللولو عشان اشوف اذا يابوها ها الاسبوع ب 12 ولا 89 لوووووول
اللولو سنتر محد بيروم يقولهم شي … ما قالها الهندي سيري اشتكي … يعني ولا همه لأنه عارف منو راعي اللولو سنتر
للي ما يعرف منو راعي اللولو سنتر واحد اسمه يوسف و هو هندي الجنسية و هو نائب مدير غرفة تجارة ابوظبي او مستشار حد يصحح معلومتي .. و هو … الخ
و يكون في علمكم هو احد المسبيبن الكبار في مشكله الخلل السكاني في الدوله و البطاله الغير المباشره …
مافينا نقول الباقي …
الله يهديييج ..
الحينه سويتي دعاية للفاكهة ونحن نبااا نخفف اشوي بالمصاريف.. ياني فضوول ابااا اطعمها .. سوقنا عجيب الناس تشتري كل شي .. قبل فترة كنت بالميناء وما عجبني البرتقال الي يبيعونه قام الهندي يقولي انته تباا برتقال اسبيشل .. قلتله هييه وينه هالاسبيشل قام وطلعلي كرتوون مخبااا تحت الطاولة وقالي هذا برتقال استرالي .. بس غالي .. قلتله كم .. قالي ب 95 درهم وخذيته .. طعمه اشوي حامض بس ممتاز .. الواحد في البداية يقول بجربه مرة وعقب يتعود علييه ويقول الحياة غالية .. والمصاريف زادت ..
جان دقيتي على بلديه بوظبي
وتميتي اهنااك يالسة واقفه لهم وجوفي كيف بيسوون
وبنشوف لج اماكن ثانية بجم تنباع