السلام عليكم ومساكم الله بالخير،
شو تسوي اذا طلعت من مكان ولقيت شباب او مراهقين متساندين عسيارتك بكل (بجاحه)؟؟؟
قبل نص ساعه كنت في واحه ادنوك الي عالكورنيش اشتري عشا يوم دخلت صوب مكدونلدز، كان في مراهقيين هنوود وبنات انجليزيات يتعشون ومسويين ازعاج بشكل فضيع وملخبطين المكان،
انا كنت ارمس فالتيلفون الريال يقولي مااسمعك حشره. المهم انا قلت حق نفسي(يا غريب كن اديب) والبلاد بلادهم هالمهنده والانجليز ونحن ضيوف فيها عقب ماكانت دار هلي ويدوودي وخلني مسكين وفقير وساكت وابتسم بس.
10 دقايق لين طلبت واستلمت يوم رحت السياره لقيتهم متساندين عليها وحاطين ريولهم عالسياره ومادري شوه، انا هنييه عاد ولعت نار. اشمعنى سيارتي؟؟!! مادري.
المهم طبعا شال في ايدي كيس مكدونلدز كبر كيس الزباله وانتو بكرامه 
. يوم قربت منهم وايد جان افره عليهم بقوه طرااااااااخ ، يا سلام عشاء الشومن مالي راح عالفاضي.<<< الاخ كابامارو
طبعا انا حليلي واحد وهم يمكن 5 جعووور من غير البنات <<< ونحن ناقصين بنات؟؟
انا سويت عمري انالكيس فرط عني وطاح عليهم ( يعني برييء مب عن قصد) جان اقولهم اووووه سوووري فرط من ايدي. تحملو المره الياياه ماييكم الكيس على روووسكم. وروحت
شو رياكم فالتصرف وشو بتسوي لو بدالي؟؟
جان عصبت عليهم
والله امسوين اعمارهم شيوخ ف بلادنا
و خسارة الماكدونالز فيهم !
عادي متسندين عالسياره ما فيها شي، الا حديد،،، لكن قصدهم التطنز و يخيسون السياره و ان الأمور كوووول عندهم
بعطيهم كلمتين من الخاطر و أخليهم ما يسوون شي، و أريد أسمع واحد بس يرد منهم، و الله ألفه بكف و أفر حسه هو و اللي وياه
و لو منك كنت عطيتهم كلمتين من أول ما بدو يسوون حشره في المطعم، و أشوف شو بيكون رده…………………!
مشكور اخوي طلطميس،
عقولتك بنشوف شو يصير مع اني اشك انهم بيسوون شي، صح السفاره البريطانيه وايد مسوييلها قدر عندنا واقل شكوى من هندي مجنس بريطاني بيتلون الواحد القسم سيده. بس مثل ما قلت قبل، انا ما فريته من بعيد بالعكس يوم وصلت فريته عليهم خساس فيهم عشان ما يكررون هالحركه في سياره حد ثاني وخصوصا المواطنين، تخيل لو كانت سياره بنت محشومه شو بتسوي الفقيره؟؟ ماشي بتركب وبتروح جنها لا حشمه لها ولا قدر.
بكره عادي يتحرشون فلشواب وفالبنات وهم صدقني خبره في هالحركات.
)
الحمدلله في حياتي ما قد تضاربت مع حد غريب او في مكان عام (كله ضرايبنا فالفريج
لو صار شي بقولهم كنت بفتح الباب وطاح الكيس عليهم . هي هي هي
والله انك مسكين وعلى نياتك !! لو واحد غيرك بيجلب الدنيا عليهم …
ولك حق تزعل لأنه لو انت مسوي هالحركه على سياييرهم ماضن بيسكتون !! وماشي عندهم غير ” Police “
بس شو تبانا نقوول.. هم يايين من اوساط شبه فقيره او بالأحرى مجاعات.. ويوم يو هنيه اتبطروا وكبر راسهم.. لنهم شافوا الدنيا وشافونا عاطينهم حريه
الي منهم دريول والي منهم طباخ والي منهم منظف .. ماضن حدروا مدارس تعليم الاتكيت والأدب !!
ليت كل واحد اييبونه من بلاده يحطون له خط احمر عشان يعرف حدوده..
وف الاخير ما نقدر نستغني عن خدمتهم ^_^ بغض النظر عن مساوئهم
الله يعينك ياخويه وزين منك قبضت عمرك … كم يسوى كتم الغضب عند ربك.. والله يعطيك على قد نيتك
تقبل مروريه
اغلب المواطنين عصبيين
ولو مديت ايدك على حد منهم ممكن البقيه يفترسونك
ولو اتصلت وطلبت المعونه من اخوان شما فما راح يقصرون
ولكن بتنقلب عليكم السالفه و بيطلبون مبلغ محترم للتنازل او التحويل للنيابة العامة
و أكيد الضابط بالمركز بيقول انزين هم ما سووا شي غير انهم متكين على سيارتك ولكن ما شحفوها ولا مدوا ايدهم عليك!
و طبعآ انا متأكد ان الادب والاحترام والكلام بلباقة مع هالاشكال ما راح يجيب نتيجه
بالعكس بيعتبرونه ضعف منك
لو كنت مكانك بخلي الامور تاخذ مجراها و بنشوف شو بيصير
بس اكيد بتستوي مشكلة كبيره
هالاشكال وايد منها في دبي بعد و تلاقيهم بالمراكز التجارية وبالسينما وبمراكز التزلج