السلام عليكم ورحمة الله وبركاآته ..
شحالكم يا الاعضاء يا الحلوين >> يالله حصلتو حد يمدحكم 
//
انا بس حبيت استفسر اذا في حد منكم امس شاف حلقة من سيربح المليون .؟؟؟ 
بصراحة لانه شي عجيب وفاتكم ،،
ولكن مع ذلك مراسلكم من هنا ، راح يعرض عليكم احداث الحلقة المثيرة اللي صارت مع احدى العضوات ،،
طبعا ما بقولكم شو اسمها
اوه
ولا اقول بخبركم دامي كتبتها في العنوان ..
عاد اسمحلي فقط لجذب الانتباه ،، ولا محد بيدخل الموضوع
هههههههههههههه
..
امس سلمكم الله كانت الاخت ” سهمي عالي ” في برنامج من سيربح المليون ،،
انا اصلا كنت اتحرا البرنامج قفلوه بعد الازمة المالية وصار اسمه ” من سيعطيني المليون ” 
بس تفآجأت انه ما زال وهذا دليل انه الأزمة فقط مجرد تأثير نفسي علينا ومافي أزمة والكل والحمدلله عايش ويآكل خبزه ويحصل مكان يرقد فيه والحمدلله ..
>> بس لا تفتحون الموضوع للنقاش .. ادريبكم ناوين علي خخ
،،
القصة وما فيها ..
دخلت سهمي عالي القاعة وشالة معاها شنطتها ( ذات سعة 10 كيلو جرام ) ،، تدرون يعني المليون هب شوية ،، والبنت ضامنة ماشاء الله خخ..
..
طبعا يلست
ولكن جورج قرداحي اشوفه بدأ يضحك بسخرية ” لانه شاف انه ضيف الحلقة بنت ” وهو فاكر انه البنات صعبة عليهن الفوز في مثل هاي المسابقات..
فقال كافنها سؤالين واذا جاوبت تحصل على المليون خخ
السؤال الأول
ما هو أكبر عدد من المواليد يمكن أن تضعه النعامة
الجواب الاول = 5 نعامات
الجواب الثاني = 3 نعامات
،
وقبل ليكمل الجواب الثالث ..
تفاجأ بالجواب السريع من “سهمي عالي ” وقالت النعامة تبيض ولا تلد
وعلى صفير الجماهير والصفقات الحآرة ارتفع رصيد سهمي عالي الى 100 الف درهم
،،
وحان دور السؤال الثاني اللي راح تحصل فيه سهمي عالي على المليون ،،
..
السؤال الثاني كان ..
اكمل المثل :-
عصفور باليد ولا 10 على :؟
الجواب الأول : الشجرة
الجواب الثاني : البقرة
الجواب الثالث : الصفرا
الجواب الرابع : الحمرا
وبدأت سهمي عالي تحك راسها وتفكر ، يا ترى شو الجواب الصح ..
وقالت لجورج:: افف من أولها صعبة ؟؟
قالت بستعين بالجمهور..
فطبعن الجمهور كلهم صوّتو للجواب الأول : الشجرة ..
ولكن جورج قرداحي قالها : مش دوماً جواب الجمهور يكون صحيح
..
فكرت شوي وقالت خلاص نحذف اجابتين ..
وتم حذف الجوابين ” الحمرا والصفرا ” ..
وبقى الجواب : البقرة او الشجرة
قالت سهمي عالي ” أفاا .. بقو الجوابين اللي انا شاكة فيهن ” ..
فطلبت الاتصال بصديق ..
واتصلت على ربيعتها ” فاء “
وكان الاتصال ” هلا السلام عليكم فاء شحالج وشخبارج ؟ عساج ابخير وشو المنتدى وياج ؟ هااا قريتي موضوع الفلانة ف قسم العام .. وشو طبختي اليوم … الخ من هاي الاسئلة..
وراحت الثلاثين ثانية وانقطع الخط وما استفادت شي..
عااد اهني سهمي عالي توهقت
وسألها جورج قردااحي ..
هااه والحين شو بتختارين ؟؟
طبعاً حليلها سهمها عالي ما عرفت الجواب وقالت ..
..
انا بصراحة اشوف احسن شي اني اسحب 100 الف مالتي وانسحب من المسابقة ، شو ابابها المليون والله عصفور في اليد احسن من 10 ع الشجرة ..
هههههههههههههههههههه
،،
تقبلو التحية من مراسلكم
مليونير رومنسي
همسة : عااد بلا زعل ودفاشة ،، تراها سوالف بس والسموحة منج ومن الجميع
وشكراً
خخخخخخخخخخ
عاد المسابقة كلها بصوب ويوم اتصلت بفاء بصوب
ما صدقت حصلت مكالمة ببلاش وقالت خلني اسولف ويا ربيعتي
خخخخخخخخخخخخخخخخخخخخخ
لووووووووووووول خيالك واسع يا مليونير
وينها سهمي عالي للرد الظاهر بعد ما كسبت ما بتظهر في الصورة
الكل يبى يتاقسم وياها الفلوس هههههه
هههههههه
وحليلج يا سهمي عالي .. بس بصراحة قنوعة
تعالي انا ربيعتج بنجاسم ال 100 الف لا تنسينا عاد
انا دعيتلج لوووول
وبعدين تعال يا مليونيروو .. احنا فديتنا شطاار ..
بس مرة جفت يايبين مواطن للبرنامج حتى سؤال واحد ما قدر يجاوب >> اشك انه انت هههههه
عالعموم مبدع بخيالك اللا محدود هههههه
تعال كل يوم : ككككككككك
..
.
لووووووووووووووووول
حلوه منك
خيالك واسع
بس حلوة