السلام عليكم اخواني الغاليين …
اخواني بغيت مساعده بسيطه انا يالس ادور بالفيس بوك على الموقع الخاص للشيخ محمد بن راشد يطول بعمره …
لانه في موضوع مستوي وياي من سنه بالضبط ولين الحينه مافي فايده ومحد بيحل الموضوع هذا الى يكون شيخ او ابن شيخ او واحد يكون واصل بالشرطه او بالتحريات في ابوظبي او دبي
لين متى بتم ساكت انا تعبت ولازم اتكلم..واشتكي واخذ حقي وهذا ابسط حقوقي …
انا يا اخواني من سنه كامله مراقب من ناس برع لبلاد بس هم من كانوا هني …ويون الامارات كل فتره… مراقب بطلعاتي وروحاتي ولبسي ووين اسير ومع مين اطلع وتهديدات 24 ساعه لاحقيني بالانتر نت تهديدات وهني خطيبتي اذا طلعت مكان توصلني تهديدات ووين هي متواجده حاليا ومع من وشو لابسه …واذا هي الي بالمكان الفلاني خلها تتحرك من مكانها ترا في واحد جايفنها واتصل بواحد في بوظبي وياينها بسرعه… غيرت ارقام التلفون وارتحنا 3 شهور وقبل يومين يطلعولي عالنت يقولون cv خطيبتك بالشركة الفلانية المدير طلع ربيعهم بس تفنش وردوا طلعوا اسمها بالكامل ورقمها وكل شي
هم جروب ومسويين فيها مافيا وانا اعرف جنسياتهم واول اسم من اسمائهم …انا تعبت اعصابي فالارض ومب لاقي حل…في ناس هني وايدين لهم يد بهالمجموعه …
حاولت اني اوصل ل بو فارس الله يحفظه ما قدرت وما اعرف كيف ووين …
اخواني ارجوكم الي يجوف نفسه يعرف حد ممكن يحل هالمشكله او على الاقل يسمع مني المشكله بالتفصيل ويقولي كيف اتصرف علشان اكون بأمان … وهذا كل الي كتبته ولا شي ما بقول التفاصيل غير للي بيقدر يلاقيلي حل …
محد يرضى بهالعيشه الي انا فيها …
انتظر ردودكم ونصايحكم اخواني
اخوي هم متابعينك بسبب وللا من غير سبب ؟
لانه ما اتوقعهم بيتابعونك وبيتركون اشغالهم بدون اسباب