السلام عليكم ورحمة لله وبركااته
كيف الحال ان شاء الله طيبين
موضوع هااام بالنسبة لي خاصة وان السالفه كلها نصب واحتيال وعدم معرفة البرمجه او بالاصح مب فاهم كيف البرمجه ..
ندخل في المهم ..
تركم واحد من الاخواان وعطاني سمان توربو وركبته على عجله من امري وبعد ماخلصو تركيب التوربو اتصلت بسعود <<< مبرمج من دبي عساس يبرمجلي اليوني شب فقالي انه شوي مشغول لانه كان يرتب قراجه اليديد في العوير
فقالي شخص اذا هو مشغول تعال بودييك عند هندي شاطر في العين بيرتبلك برمجة التووريو وخاصه انه دارس برمجه في امريكا على قولت الريال..
المهم طبعا من العجله وخاصه توني بادي شغل توربووو وكنت ابا ابرمج باي طريقه
المهم سرت العين عند عبد الحليم وطبعا كانت كم سياره قدامي ..
ترييت بالدور وبرمج طبعاااا التوربو وقالي ادعس جربه فدعت الموتر قومه حلو صرااحه بس على الخط يتم فااابض
فهو يؤلني قبل لايبرمج يقولي انته وين مبرمج
قلتله عند سعوود مبرمج قبل لان اليوني شب من عند سعوود قبل لابرمج توربو
فقالي ها شغله كشررره وها مايعرف يبرمج واليوني شب الي عندك امرييكي ومش خلييجي وماينفع وقال لازم اشتريلي يوني شب بلس عساس تضبط البرمجه ولا بيتم يقطع
فطبعا بعد مابرمج المووتر والله ياجماعة الخير ان نيسان هدرز وفلتر رايست ويااه اجرب التوربو متجدمني
جربت مع واحد ثاني ماعطاني فرصه اييبه راح عني
المهم انا قلت يمكن صح كلام الريال .. اليوني شب الي عندي ماينفع
وتميت اطالع اذا حد بيشتري اليوني شب عندي ..
وتميت على المووتر تقريبا شهر ياجماعه مافيه ريس كل مادعسه يقطع مايمشي
والله ياجماعة الخير خلاني خلاص اكرره شي اسمه توربووو وعزمت اني انزله لين بعديين ارتبله كمبيوتر ومره وحده اضبطه
ومن غير اني دافعله 1400 برمجه
المهم سرت عند سعوود في دبي وقلتله سعوود برمجلي المووتر لاني امشي من ابوظبي لين دبي بسرعة 120 وصارف بترول نص
يعني اخونا بالشباب عبد الحليم مبرمجنه يدفع بتروول واايد ويتم يغرق من البترول مايفتح
فبرمجلي سعوود المووتر وماشاء الله فرق بين السما والارض
طبعاا انا مب كااتب هالقصه ومتعب نفسي عساس اني اقطع رزق الريال
انا كاتب هالقصه عساس يوم وااحد يي يبرمج يير يبرمج صح ولا يطيح في الموقف الي طحت فيه انا
والحينه ابا ارد 1400 الي دفعتهن هب عاارف كيف اذا حد عنده حل يا اخواان ارجو ان بتفضل به
لان شهر على مووتر كرهته وكرهت التوربو ويوم ييت انزله يضهرلي كل المشااكل من البرمجه مب شويه علي
والله تعب نفسيتيه
خاصه اونه يسب شغل غييره
.. السمووحه طولت علييكم
فني الخليج اكبر نصاب في العين و ما ادري ليش كل الشباب عنده …
كهربائي سعيد سالم احسن عنه بس شوي غالي
لا الشيخ ها بنقالي ولا هندي مسوي عمره واحد مافيه حيله ووالله انه خرطيي
عرفته، مب هو العراقي اللي يبرمج كمبيوتر الفتك “كمبيوتر الوكاله”
اذا هو, ها واحد ما يخصه فالبرمجه, ما ادري ليش في شباب يبرمجون عنده مع انه في مبرمجين احسن منه بالف مره فاماكن ثانيه
الله يعوضك خير ان شاء الله
فني الخلييج
شو اسم المحل؟