موضوع للنقآش بشآن آلتوآير وآحسن نوع آلميزآنيه وعمليه آلآكس وميزآنيه آلرودآت

9 thoughts on “موضوع للنقآش بشآن آلتوآير وآحسن نوع آلميزآنيه وعمليه آلآكس وميزآنيه آلرودآت”

1. ومنكم نستفيد…. استمروووو
   يعطيكم العافيه شباب ومبارك عيدكم

2. اللي اقدر افيدك فيه ان عملية الاكس غلط وماانصح احد يسويها

   لان التواير يركبن على الروتيشن يعني تايرين يركبن على جهة اليمين وتايرين يركبن على جهة اليسار ومايصير تغير الجهة
   واللي انصحك تسويه كل 10 او 20 الف كيلو بالكثير .. اللي جدام تركبهن ورا واللي ورا جدام بدون اكس

3. يا الغالي بالنسبة لميزانية الرودات

   فهي باختصار

   تضمن لك ان السيارة تمشي بخط مستقيم

   اذا حصلت تاير واحد من التواير الاربعة الرود ماله مب مضبوط

   التاير بتحسه ماخذ او لاف على صوب معين وهذا يمنع السيارة انها

   تمشي ف خط مستقيم … طبعا انت ماراح تلاحظ ان التاير لاف يمين او يسار حتى لو شوي

   يبالها اجهزة دقيقة تبين كم درجة دوران التاير

   وبعض الاحيان محلات التواير يعرفون ان الرودات مب موزونة او مظبوطة

   لما يلفون السكان يمين او يسار… يلاحظون ان التاير اليمين (مثلا) ياخذ اللفة بمقدار 23 درجة أما

   اليسار ف لفته تكون 20 درجة

   فهني لازم يضبط الرودات

   والرود عبارة عن عصا (معنى الرود بالعربي) تربط بين بدي السيارة وطرف من التاير وتلزمه ان يتحرك مع حركة السكان

   باذن الله تكون الصورة اوضح

   (رديت عالخاص بالنسبة لموضوع اللكزس)

4. تسلم آخوي ع آلتوضيح

   بروجستون

   بس شو هي ميزآنيه آلرودآت !

5. يا ابو شهاب التواير تعتمد على حسب مقاس الرنق وشو نوع السيارة .

   الفورويل … والصالووون … والبيك اب

   وبالنسبة للتواير ..

   كل شركة من التواير يكون عندها انواع زينه وانواع لاباس فيها وانواع عالية الجودة ..

   بعطيك مثال عن تواير الميشلان ..

   شركة الميشلان اتصنّع التواير في بلدان شتّا .. وعلى حسب النوع ومقاس الرنق والخ الخ

   امريكا وكندا وفرنسا وتايلاند والحين اعتقد شي ميشلان صناعة الصين .. ومادري كم دولة غيرهم ..

   اهم شي انك تركب تواير اصلية من محل راقي او من الوكيل نفسه ..

   ..

   بالنسبة لعملية الاكس ..

   وايدين يوصوون فيها ولكن انا ما اهتم لهذه العملية …

   بالنسبة للميزانية … عالاقل كل كم شهر جيّك على ميزانية التواير وعلى ضغط الهوا وعلى الرودات ..

   طبعاً اهم شي ميزانية الرودات والشيّالات عشان التواير ما تتآكل من الأطراف ..

   ……………………….

   شو نوع التواير اللي على سيارتك اللكزس ؟؟؟

Comments are closed.