مواقف يوميه … تعالو وشاركونا

140 thoughts on “مواقف يوميه … تعالو وشاركونا”

1. إنزين، ليش مستعيله؟ ما شاء الله الأخوان مب مقصرين.

   بس فالج طيب، بقولكم السالفه. السالفه طويله شويه، فـ إعذروني.

   اله يسلمكم، أنا دايما أحب أغيّر. يعني نوعية الكنادير كل يوم نوع، مره إماراتيه مره كويتيه و مره قطريه. و اللحيه كل إسبوع شكل (بس بدون هالسوالف الغريبه اللي نشوفها) و هكذا.

   في مره من المرات، ما تفيّجت أحلق لحيتي إسبوعين، فيوم طالت، قلت ليش ما أطوّلها زياده ؟ الإلتزام زين ترا.
   و بالفعل، تميت تقريبا شهرين بهالشكل. كل اللي يشوفني يقولي: “شو، إستطوعت ؟”، أرد عليه و أقوله إن الحمد لله الإلتزام موجود باللحيه و بدونها (مع إني أعرف حكم اللحيه في الشرع).

   كنت مره ملان العصر، فـ شغّلت موتري و سرت جدا الكاسر. في طريج السيره، شفت وحده من اياهم لابسه عباه على الكتف و مبيّن إنها مب مواطنه عندها سيارة من نوع الـ بيتل (الخنفساء). طبعا المتعني طل طله و قال في نفسه “يا دلّي يا دلّي “. و كمّلت دربي.

   عند لفة الكاسر (عن صورة الشيخ زايد الله يغفر له) كان السيد مزدحم و أنا ما إنتبهت إلا و البيتل جدامي، مسكت بريك و الحمد لله وقف الموتر بس ضربت البيتل ضربه بسييييطه. و بدون ما أوقف، ما شفت أي إصابه بالموتر المدعوم. اللي تسوق طلعت عقلانيه و أنا أعترف بهالشي، مشت لين ما وصلت الباركن اللي جدام المقهى، و وقفت و أنا و قفت وراها.

   هنه بيبدا الضحك.

   نزلت و تمّت تطالع البمبر دقيقتين ثلاث (أونها متأثره من الدعمه)، و أنا متساند على موتري و آآآآآخر ثقه و مبينلها إني مب مهتم و شكلي اللي يوحي إني مطوّع كان يمنعها إنها تتفلسف و تقول إني بغيت شي منها (طبعا ما نطقت بكلمه). يتني و

   قالتلي: إنته الغلطان
   قلت: صح أنا الغلطان، ما إنتبهت بصراحه
   قالت: إنزين، إدفع ألفين !!!!!
   قلت: إش حقّه ألفين ؟
   قالت: تراك داعمني و الغلط عليك
   قلت: صح دعمتج، و أنا عندي تأمين، إصبري شويه و بتي الشرطه و بتتصلح سيارتج و بتصير فلّه.
   قالت: أنا مستعيله بصراحه،
   قلت: مب مشكله، سيري الحين و عقب بنتواعد في الشرطه و بقولهم إني الغلطان.
   قالت: إنزين، كم تقدر تدفع ؟
   قلت: أنا عيل إش حقه عندي تأمين دامنّي بتم أدفع على كل دعمه أسوّيها. بصراحه مب مستعد أدفع لو 100.

   جان تبوّز، و سارت صوب موترها و هي تتمتم بخاطرها، و أنا فيني ضحكه مب قادر أيوّدها.

   المهم،
   عقب كم يوم إكتشفت إن علييه مخالفة “سرعه زايده، فوق 200 كم” و كانت عقوبتها هاك الوقت السجن إسبوع و غرامة 10 آلاف. يعني لو يت الشرطه هاك الوقت، جان سجنوني (ويا لحيتي).

   بس.

   أنزين يالمطوع ..
   الله يهديك متعني .. كان خليت موترها واقف ورجعت دعمته مرة ثانية وكسرته تكسير .. وقلها إذا مستعجلة تعالي بوصلك .. .. بموتري …

   __________________

2. يلا عاااااااد يا متعني
   خبرنا كيف اتصرفت؟!

   إنزين، ليش مستعيله؟ ما شاء الله الأخوان مب مقصرين.

   بس فالج طيب، بقولكم السالفه. السالفه طويله شويه، فـ إعذروني.

   اله يسلمكم، أنا دايما أحب أغيّر. يعني نوعية الكنادير كل يوم نوع، مره إماراتيه مره كويتيه و مره قطريه. و اللحيه كل إسبوع شكل (بس بدون هالسوالف الغريبه اللي نشوفها) و هكذا.

   في مره من المرات، ما تفيّجت أحلق لحيتي إسبوعين، فيوم طالت، قلت ليش ما أطوّلها زياده ؟ الإلتزام زين ترا.
   و بالفعل، تميت تقريبا شهرين بهالشكل. كل اللي يشوفني يقولي: “شو، إستطوعت ؟”، أرد عليه و أقوله إن الحمد لله الإلتزام موجود باللحيه و بدونها (مع إني أعرف حكم اللحيه في الشرع).

   كنت مره ملان العصر، فـ شغّلت موتري و سرت جدا الكاسر. في طريج السيره، شفت وحده من اياهم لابسه عباه على الكتف و مبيّن إنها مب مواطنه عندها سيارة من نوع الـ بيتل (الخنفساء). طبعا المتعني طل طله و قال في نفسه “يا دلّي يا دلّي “. و كمّلت دربي.

   عند لفة الكاسر (عن صورة الشيخ زايد الله يغفر له) كان السيد مزدحم و أنا ما إنتبهت إلا و البيتل جدامي، مسكت بريك و الحمد لله وقف الموتر بس ضربت البيتل ضربه بسييييطه. و بدون ما أوقف، ما شفت أي إصابه بالموتر المدعوم. اللي تسوق طلعت عقلانيه و أنا أعترف بهالشي، مشت لين ما وصلت الباركن اللي جدام المقهى، و وقفت و أنا و قفت وراها.

   هنه بيبدا الضحك.

   نزلت و تمّت تطالع البمبر دقيقتين ثلاث (أونها متأثره من الدعمه)، و أنا متساند على موتري و آآآآآخر ثقه و مبينلها إني مب مهتم و شكلي اللي يوحي إني مطوّع كان يمنعها إنها تتفلسف و تقول إني بغيت شي منها (طبعا ما نطقت بكلمه). يتني و

   قالتلي: إنته الغلطان
   قلت: صح أنا الغلطان، ما إنتبهت بصراحه
   قالت: إنزين، إدفع ألفين !!!!!
   قلت: إش حقّه ألفين ؟
   قالت: تراك داعمني و الغلط عليك
   قلت: صح دعمتج، و أنا عندي تأمين، إصبري شويه و بتي الشرطه و بتتصلح سيارتج و بتصير فلّه.
   قالت: أنا مستعيله بصراحه،
   قلت: مب مشكله، سيري الحين و عقب بنتواعد في الشرطه و بقولهم إني الغلطان.
   قالت: إنزين، كم تقدر تدفع ؟
   قلت: أنا عيل إش حقه عندي تأمين دامنّي بتم أدفع على كل دعمه أسوّيها. بصراحه مب مستعد أدفع لو 100.

   جان تبوّز، و سارت صوب موترها و هي تتمتم بخاطرها، و أنا فيني ضحكه مب قادر أيوّدها.

   المهم،
   عقب كم يوم إكتشفت إن علييه مخالفة “سرعه زايده، فوق 200 كم” و كانت عقوبتها هاك الوقت السجن إسبوع و غرامة 10 آلاف. يعني لو يت الشرطه هاك الوقت، جان سجنوني (ويا لحيتي).

   بس.

   __________________

3. سوالفكم حلوة

   انتظر المزيد من المشاركات من الاعضاء اللي قالو بيشاركون ولبسونا الباب

4. عندي برنامج الكاسبر سكاي 2009م

   نزلته مرة ثانية

   أسوي سكان بس بعدهن تطلع لي فيروسات

   كيف أمسحهن؟!

   نزلي برنامج سي كلينير CCleaner – Download

   __________________

5. اليوم موقف صراحة عجيب انا تميت مبطله حلجي

   سرنا انا واخواني الاثنين نتمشى .. اخوي الصغير قال اووه نسيت يبون مني صور شخصيه بنزل اتصور قلنا اوكي

   نزل اخوي و تميت انا واخوي الثاني نسولف الا يي واحد شاااب كندوورة و غتره و عقال و ريحه العطر اخر الدنيا و كشخه تقول ساير عرس

   قال لأخوي : اخوي انا محتاي فلوس .. والله ماعندي فلس واحد .. واللــــــــــــــــــــــــه البارحه راقد في كرفانه لا اشتتغل و لا أهل ولا ….. قبل لا يكمل كلامه اخوي سكر جامه السياره وانا طبعا اطالع مبطله حلجي

   لف علي اخوي وقال : شفتي شحاته أخر زمن !

   موقف غريييييييب

   شيطلع هذا !!!!؟؟؟

   __________________

Comments are closed.