السلام عليكم,
اليوم كنت ساير اتشرى من كارفور, وبالتحديد في راس الخيمة. واشوف واحد مواطن يالس يتشرى هو وخلنا نقول زوجته ( ما اريد اقول صديقته او “زميلة العمل”) اجنبية ولابسه مثل ما يلبسون السياح في وقت الصيف.
الحين شو بتقول عن هذا “الريال”. ان كانت زوجته شو من الناس الي ما يغار على مرته ومخلنها (فالتوه). وان كانت صديقته, ما يستحي على ويهه ويظهر وياها جدام العرب!
وطبعا مشيت عنه, وجان اشوف واحد ثاني مسوي نفس الشي!
شو بلاهم هالناس! لا يستحون من ربهم ولا من الخلق.
الله يهدينا ويهديهم.
هذا اللى كنت بقوله
أتوقع لو سرنا السعوديه مابلاقي مثل هالاشكـال
و الحل بإيد الحكومه ،، لو حاطه قوانين و مسويه مثل اللى مسويتنه السعوديه
ع الاقل الواحد بيظهر و يا أهله وهو مرتاااح
تسلم عالموضوع …
وهذا الشي منتشر …ونرجوا من الله الهدايه للجميع …
كن اوجه سؤال لكل اخت شاركت بالموضوع …اكيد في سبب ان المواطن يلجأ للاجنبيه (لو افترضنا انها زوجته) لو انتي ,,,هيه نعم انتي اللي تقرين عذا الرد…ياج واحد خطبج ..وما عنده غبر راتبه …اهلج بيوافقون عليه…ولا تظهرون اعذار انج بتساعدينه لما اتداومين ..هذا كله كلام ولو صار …عند اصغر مشكله ..ينذل زاتذكرون الربال ..(طبعا مب كل الخوات لكن الفئه السائده)
اتقوا الله في الشباب …وخلوا فارس احلامكم …يكون شعاره الخلق والدين …مب الغنى والفلوس ,,,ولما ايي يخطب اطرشون اخوكم الصغير يشوف شو من سيايير ياي ابها …
صدقيني انتي ترمسين عن فئة مب كل الاجنبيات جي
بس بغض النظر عن ان ماشي فرق بين المواطنة والاجنبية المسلمة من الناحية الدينية
بس صدقيني بالنهاية ولد البلاد مابيستقر الا على بنت بلاده الي بتم وياه للعمر كله
بخبرك بشي..
هذي الأجنبية بتوقف معاك بشبابك وبس…
لكن أذا مرضت…ومر عليك الدهر..بتجابلك..بتداويك..بتسهر عليك وبتحاتيك…!!!!
ما اظن…
صدقني..بترفسك رفسة…بتدخلك دار العجزة…مثل ما هانو عليها أهلها اللي ربوها من ضغرها انها تودرهم…ولا تنشد عنهم…بتودرك ولا بتنشد عنك..
سير دار العجزة وشوف الشواب منو زوجاتهم اللي عاقينهم….عسب بس تتأكدون….
والله يخليكم..
تراكم رفعتو لنا الضغط بهاي الأفكار …وتشجيعكم للزواج من أجنبيات…
تراكم يالسين تحرقون أعصابنا.. ……
وأنا أحاول أطنش وما أرد..بس ما أروم…!!!!