من قصص العيايز والتراث “قصيدة حب و اعجاب عفيف” حزينه جدآ

……………………………………….

طبعآ الموضوع ملطوش وهو من التراث اللي للأسف نشوفه يندثر .. و حبيت اني استمتع و امتع من له هوى بمثل هالقصص والقصايد اللي يتم تداولها من عيايزنا ربي يحفظهم ..

القصة قصة مطوع …والمطوع هو اللي كان يقري

ويعلم الصغار والشباب الحروف الابجديه وهذا المطوع كان يربي عنده

بنوته في بيته توها في مقتبل العمر , وجاه شاب يريد ان يدرس عنده

وقاله خلاص اليوم اسمع ولا تكتب لين باكر ايب لك ويايه الريشه والدواه

للكتابه , المهم جاء اليوم الثاني والمطوع نسا ايب وياه الدواه وهو

المقصود به الحبر , فساله الشاب ها يا مطوع يبت الحبر قاله لا نسيت

سكت الشاب وفي نص الدرس تسحب من الخيمه لي كانو يدرسون

فيها وسار بيت المطوع وحام الجدار ولا انه يشوف هذي البنت لي

جدامه المهم ما عرف شو يسوي قال ياي بخذ الحبر وعطته اياه وعود

ادراجه وقعد في الدرس , وبختصار اكتشف امره المطوع فقاله

سمعني الالف و الباء و التاء

فقال الشاب المسكين :-

الالف الفتني سهر عيني ….. حب ظبيآ بو دلا لا

فغضب المطوع وابتدا بضربه وقاله قول الباء

الشاب : –

الباء بداني الشوق منها …… وصار نظمي لك الخيالا

فإشتد غضب المطوع وزاد بالضرب وقاله قول التاء

الشاب:-

التاء توكلنا على الله … .. وعلى الله الاتكالا

المطوع قول الثاء

الشاب :-

الثاء ثوى جسمي نحيل ٍ …….. ناحل ٍ من اي حالا

الجيم جاوبني حبيبي …. من ورا الستر وقالا

الحاء حمدت الله ربي …… والحميد الله تعالى

الخاء خلقه الله بزينن …… وقد كساها بالجمالا

والمطوع منهال عليه بالضرب ويطلبه يقول الحرف لي بعده بالترتيب

الشاب :-

الدال دلن في صدرها …… والنهد بسرة هلالا

قول الذاء

الشاب :-

الذاء ذالت بالبريسم …..والحريري والكمالا

الراء رمتني بالعيون ….. المدعجات ن بالكمالا

الزين زمانا قد تقضى ….. والعدو ولى نكالا

السين ساقتا المزارع …. شبه موز ن في غتالا

الشين شلت بالعجايف …. يلي على المتنين مالا

طبعا والمطوع ينهال عليه بالضرب

قول الصاد

الشاب :-

الصاد صدرن قد تعلا ….. وارتخت منه الجبالا

الضاد ضون في يمينه ….. لاح برقن من شمالا

قاله قول الطاء

قال :-

الطاء طلبت الوصل منها ……. وواعدتني بالوصالا

اهنه يقولكم البنت وصلت وانخشت ورا الخيمه وتسمع المطوع يوم يضرب

الشاب , المطوع يامره قول الظا

الشاب :-

الظا ظبيه في فلوها …. راتعه وسط الجبالا

العين عاينت السهيلي ….والجبيني ك الهلالا

الغين غنت لي بصوت ن ….. بارد ن مثل الزلالا

الفا فقير ٍ ميسر ٍ ….. والغنا زهد الرجالا

فسكت الشاب والمعلم ينهال عليه ضرب ويقوله قول القاف

قول القاف

والشاب في وقتها عينه على الباب ويشوف البنت واقفه

وقال :-

القاف قفني يا معلم ….. ان روحي برتحالا

فسكت الشاب , والمعلم يقوله قول الكاف قول اللام

وعلى ما هو يقوله قول الميم دخلت الفتاه وقالت :-

الميم ماتوا وادفنوهم ….. والباقي الله تعالى

ويقولون انها ارتمت عليه ميته

…………………………………….