السلام عليكم ورحمة الله وبركاته
اخواني بغيت استفسر من اللي ادخلوا في محفظة الشركة
وهذا رابط الموضوع:
الاليه الجديده للشركه القابضه – بارباح 8% شهريا وارباح سنويه( مهم جدا )
انا بغيت ادخل في الشركه لكن بغيت اعرف آراء اللي دخلوا فيها …
وهل يستلمون الأرباح الشهريه في وقتها والا في تأخير …؟؟؟
ياليت اللي دخل في هالمحفظة يعطينا معلومات
وجزاكم الله خير
السلام علــــــــــيكم
يعني ماشاء الله الشرح ولا اروع بس يوم يينا للثبوتيات ما فيه شئ واضح
بالنسبة لبعض الأخوان واضح أنه فيه انحياز للمحفظه ويتكلمون بقوه وثقة وكانهم حاطين فيها
ويم بتسألهم حاطين قالوا لأ ؟
إنزين من وين هالثقة يت وشوي قاموا يلومون الأخوان الباقين إلي يشككون بالموضوع
والله أنه kash صدقه وحتى كلامه موزون أما لـــ فلان وفلان وهم (أثنين بس ع فكره) شو تبون أكثر عن واحد من الأخون حط وياهم وسحب واتكلم وقالكم ما شاف شئ طبعا المقصود مشاركة الأخ رعد
؟؟؟؟؟؟؟؟؟؟؟
فيا جماعة ما في داعي حد يتكلم بقوة عن حد لأنه في ناس بتدخل وبتشترك حتى يمكن تدين من البنوك والكلمة امانه
انا من استغرابي ما استبعد انه الواحد لو حب يمشي موضوعه يدخل باسامي اعضاء ثانيين ويشتغل مدح في الموضوع
طبعا الله العالم مش المقصود الموضوع هذا واقصد مواضيع ثانية في منتدى السيارات o_O
الله يوفقكم للرزق الحلال
السلام عليكم
اخواني زاد الكلام في الموضوع وزاد الغموض اكثر
نبي توضيح فقط لا اكثررررررررر
اللي بيسمع كلام الغير بيتعب وهو وده يبدأ بشي يسويه
اذا ما تتحدى السلبيات ما بتوصل شي تنجح فيه بس كل شي بالعقل والتفاهم والوضوح والدراسة
اخ نايف ارسلي العقد على الخاص ………….وشكرأ
السلام عليكم شباب انا حميد باسم رعد
حاضرين يافادي بجاوب على الاسئله
اول سؤال ممكن تخبرنا شو الشي اللي اطلعت عليه
ماشفت شي
شو نوع الاستثمارات اللي شفتها
ماشفت شي من الاستثمارات
شو اسم الشركه اللي سرت عليها
لا لها اسم لكن يقول سما العقاريه
منو من المحللين جابلتهم وشرحلك الوضع
ولا واحد
ماعليك يافادي كله خريط لا شركه ولا الله قاله ولا مؤسسين كله اسرار في اسرار وغموض والله ماشفت شي
ياغير يوم طلعت من عنده قالي براويك الاوراق والاستثمارات اخر الشهر والاراضي اللي يطريهن لنه يقول انا عندي شركات وايد لكن هب باسمي ولين الحين كله كلام لكن اوراق واثباتات ماشي
وهذمختصر الكلام واي اسئله انا حاضر ياتريدنج لاين لا لا فادي
نصيحه ياشباب انا مشارك وطلعت عنه لني ماكنت اتخبر وايد لا حد يدخل لين يشوف كل شي رسمي
واتمنى لك التوفيق ياكاش (فادي)