مقولة من خمس كلمات فقط تحمل معاني وقوانين وانظمة وشرائع أمم
ليش هذة المقولة بالذات
بخبركم السالفة
امس كنت مودي العيال حديقة الحيوان في العين اخر مرة ساير لها سنة 84 كانت الحيوانات ابيض واسود خخخ خخخخخخخ
المهم انا امشي وعندي بنتي الصغيرة ولاهي معاها عند قفص السبلان تكرمون شوية واتقول لي الحرمة (كانت مشوطة)…..هذيلا انجليز يبوسون بعض مايستحون على ويهم
رديت عليها عادي عندهم …….. انا ماشفتهم لأني كنت مع الصغارية شوية وشفناهم لاوين على بعض سكتنا
المهم يوم وصلنا عند قفص الاسد الحبيب واقف قدامي ويا ربيعتة ربع بها ييني ولاوين على بعض مصخوها
كانو وايد لاصقين في بعض
الحديقة كلها ياهال اغتظت علية صدق وخاصة يوم عرفت بعدين انة البوسة كانت اكثر من بوسة على الفم ؟؟؟؟؟؟؟ فاهمين قصدي
قمت لة وانا داش عندي في الاحمر
كلمتة انجليزي Excuse me
قال يس
جان اقول لة السلام عليكم
رد علية بالعربي
طلع بو الشباب عربي من دول الشام ومسوي عمرة انجليزي
قلت لة ياخي انتة حيوان ولا شو شو شايف الحديقة حديقة عشاق
الحديقة كلها اطفال وعوايل وانت اتسوي هذة الحركات
رد علية هذة خطيبتي
قالت لة خطيبتك في البيت دش عندها الحجرة وسو اللي تباة هب هنية
احترم عمرك واحترم البلاد اللي يالس فيها
سكت ولا تكلم طبعا كان قافط وانا كنت صدق مشوط والله لو زودها معاية لفرة عند الأسد
الخلاصة
الاجانب محترمين والله حتى في الهايد بارك مايسون هالسوالف قدام العوايل
وذا حد يقول انهم يسون هذا الغلط منا محد ينبهم في المطار او دائرة السياحة
شوف الاجانب في السعودية يحترمون القوانين ويتحجبن الحريم بعد لانة هذا القانون عندهم
وكل دولة لها قانون وخصوصية
بس شو بنقول
المفروض كل واحد منا اذا شاف غلط يتكلم وينبة ومايخاف من شي لانة الغلطان غلطان ومايروم يرد عليك
انا هب قصدي اهاجم جالية معينة او دولة حتى المواطنين هب مقصرين بعد مسودين ويهم
طولت عليكم وااايد
بس فكر لحظة معاي
لو هذاالشخص
لم يأمن العقوبة هل سيسئ الادب
نسيـــــــــــــــــــــــــــــــــــــت اقولكم انه بلادنا يوم عن يوم تخترب …. واسبه مافي اي قانون يمنعهم … وحتى الاسلام ما قاموا يتقيدون فيه ..
الله يمسحهم من هالدنيا هذيلا اللي يتحرون البلاد فرييي كنتري …
طالع عمري يا عمي سعيد اسوت الحركه هاي نفسها في مول الامارات .. ووايد منها وانا استوت جدامي مرتين … خخخخخ حسيت عمري حاضره مسلسل لايف .. المهم في محل النعول وانته بكرامه .. سالت الحرمه ريلها ممكن تاخذلي النعال قالها عادي … وتلوي عليه واستوى اللي استوى … انا بطلت عيوني ما رمت اقول شي …. طلعت من المحل … خخخ لين اليوم ما اداني ادخله … والمره اثانيه .. كنت مجدمه اخواني وهم ورايه … والا يستوي الموقف جدامي … واصد اطالعهم واغير طريجي … الله يقلعهم ..
ونفس الشي استوى الموقف لواحد من هلي في الامن ههههههه شو سوابهم … اول شي بين انه انسان عادي … وشويه الريال بيضربه .. نش وطلعله البطاقه انه من امن الدوله هههههههههههه زين ما يحبون ريوله … وهو ماشي اتصل ويو شلوهم …
والله ما دواهم غير هالشي …
بارك الله فيك
هذا ما يباله حد يقوله شي يباله شرطي يسحبه
يا اخي حتى الاجانب ما يسونها في حديقه الحيوان
اللي يقول جو ولا منظر رومنسي
يا اخي قله حيا
و هالي انت شفتـه منكـر
الرسول عليه الصلاة و السلام قال :
” من رأي منكم منكراً فليغيره بيده فإن لم يستطع فبلسانه
فإن لم يستطع فـ بقلبه و ذلك أضع ــف الإيمان “
زين سويت اخويه يوم نبهته النهي عن المنكر مسؤولية الجميع
عالأقل عشان نحمي هالمجتمع من الغرق و التصدع !!
البارحة في القريـة شفت بنية مستريله !!!!
لابسة عباه من دون شيله و شعرها قصير رابطته ..
قلبي عورني !!
رحتلها قلتلها : اختي مضيعة شيلتج ؟؟
لنه في شيله طايحة فالأرض هناك مم يمكن مالتج ؟!
انحررررررررجت و ارتبكت ,, و قالت لا
يمكن ما سويت شي بس عالاقل نغزتها يمكن تستحي تطلع بهالمظهر مرة ثانية !!!
السموحة عالإطاله و ربي يحفظك اخويه سع ــيد
بياكلوه.. و بيصير منظر مرعب للاطفال..
لكن بفره في مكان غير..
عشان يستانسون اليهال و ينبسطون
بفره في قفص السبلان