مرحبا أخواني أعضاء المنتدي بغيت اتخبركم اذا حد فيكم جرب
جرب دكتور نيوترشن للتنحيف؟؟
وشو النتيجة؟ مضمونة ولا.؟
وهل في اضرار من الادوية؟؟؟
استفادة منهم؟؟؟
والسموحة…..
27 thoughts on “منوة منكم جرب دكتور نيوترشن للتنحيف؟؟”
Comments are closed.
اعرف واحد مشى على هالرجيم وضعف وايد في فتره قصيره لكن عقب اسبوعين بدت اتيه دوخة وكم مرة طاح علينا والسبب هالخرابيط والعصاير الي كان ياخذها من عندهم
عطوه عصاير وكاكاو للرجيم هذا غير الادوية الي تغربل الواحد عقب ما تلعوز وياهم حول على الدكتورة الي تطلع في تلفزيون دبي ما اعرف شو اسمها وارتاح وياها
طيب يا جماعة الحين البرنامج اللي تتكلمون عنه من دكتور نيوترشن هل لازم تمشون عليه لين ما توصلون للوزن المطلوب و بعدين تاكلون عادي ولا تمشون عالبرنامج مدى الحياة؟؟!!!!
مع الشكر
انا مجربه الدكتور عادل عبدالعال…
سنة 2001…
ممم كنت ايامهاادرس في التقنيه…وبهدلتني الاعشاب مالته خخخخخ كل شوي استأذن المدرسه عزكم الله للحمام…
و عقب ودرت الاعشاب قمت بس امشي على الجدول….ما حسيت باي تحسن…لانه اصلا جسمي يخزن ماي..اكثر مما هو دهون…حيث انه نسبة الدهون عندي كانت 32 يعني فوق المعدل اللي هو 30 بدرجتين….و مع هذا بهدلني بالاعشاب و الرجيم…
الصراحه لا رجيم و لا شي….
عليج بالمشي…
انا صار لي قريب الشهر….مخففه الاكل و امشي على الممزر….تقريبا 3 كيلومتر يوميا…
واااااااااايد تحسنت عن قبل….وشي حبوب طلبتها من الهند مصنوعه من عشب هندي و الشاي الاخضر و الحلبه…بتوصلني بعد اسبوع ان شاء الله…ويستخدمونها معظم مراكز التجميل و التخسيس المشهوره في الهند….
تعتمد على تنظيم الكربوهيدرات في الجسم….والحلبه و الشاي الاخضر معروفه فوايدهم…
اللي يبي اي استفسار عن الحبوب يراسلني 🙂
بالتوفيق اختي دمع السحاب…
وانصحج كله ولا عبدالعال….لا ترووووووووووووحين له…..
يا جماعه احذروا من عبدالعال لانه في الاصل مدلك
ولا دكتور ولا هم يحزنون .
شهادة الدكتوراه مضروبه.
ادويته تسبب مشاكل صحيه لانه يفتي بدون علم
و مكانه اصلا يخوف اقصد مكان العياده العياده في مكان مخشوش مش ظاهر على شارع رئيسي
انا مجرب و مضمون 100% شرط الانضباظ…. و بالتوفيق ان شاء الله