صرت الحكم بين البراقع والسفور تخاصمن عندي نحيلات الخصور
قالوا نبي نسمع وخلق الله حضور احكم بحكم العدل ما بين البنات
تقدمت بنت تلبس البرقع دلع واهل البلد حضار والكل استمع
قالوا بلانا من خراب المجتمع قطين براقعهم ويمشون سافرات
ذبن براقعهم وذبن العبي تجييك تمشي وانت تحسبها صبي
وان قلت يابنت الحلال تادبي عيين يطيعن البنات الغاويات
كأن المره رجال وتشوف لباسها بدله فرنجيه وتحلق راسها
لوكان لي قدره كتمت انفاسها بنت الحلال ما تمشي بذا اللباس
ترى السفور تجييك ما فيها حلا واحنا اللذي يشهد لنا كل الملأ
يحرم على رجل عشقنا ما سلى يشبهونا بالخيول المسرجات
جات السفور وقلت لا تتكلمي تحضري وتزهبي وتولمي
خلينا نخلص منها وتقدمي حنا ابتلشنا بينكم يا الغانيات
لحظه وجاها الدور قلت اتفضلي لاتغضبي من هرجها لا تزعلي
الحق يعلى والحقيقه تنجلي وش ذا المشاكل بينكم وانتو خوات
قالت براقعهم نسينا دورها ولى زمنها وانتهى جمهورها
واحنا البدور اللي تجلى نورها يشرق ضوانا في الليالي المظلمات
حنا على المكشوف والعالم تشوف اما البراقع ياحكم غشوا اللوف
ما فيهم اللي كاملات بالوصوف الا عيون من البراقع طايرات
حنا بنات الحور ربات الجمال واللي تغطى لا تغرك بالخيال
يوقع بهم دايم غشيميين الرجال هذا صحيح القول والعلم الثبات
قلت انتهى الموضوع والحكم استوى جميعكم بلوا على اصحاب الهوى
عزالله انا لو جمعناكم سوى بنات حوا كلكم متكاتفات
لاتخدوعنا في المشاكل والخصام نعرف سوالفكم ونعرفكم تمام
كلمه صريحه قلتها عند الختام تتزاعلون اليوم وبكرا راضيات
مع من انت ؟؟؟
ما اعتقد حد فينا يحب يكل لحم مكشوف وعليه الذباب يحوم . ترى مهما تغيرنا عزه النفس ورفعة الشان والكرامه ما تتغير
فهل من مشاركات
مشكوريييين
الواحد ياخذله بدويه وحضريه شيء حلو
ما يزعلهن بس المشكله الحكم بيزعل ؟؟
لازم نختار وحده ؟؟؟؟
خلينا نفكر شوي
اخوي ضيف الله
انت خبرنا اول
مع من انت؟؟؟؟؟
حنا على المكشوف والعالم تشوف اما البراقع ياحكم غشوا اللوف
ما فيهم اللي كاملات بالوصوف الا عيون من البراقع طايرات
حنا بنات الحور ربات الجمال واللي تغطى لا تغرك بالخيال
يوقع بهم دايم غشيميين الرجال هذا صحيح القول والعلم الثبات
لا تعور راسك يا ضيف الله …………. ؟؟؟
عرس الثنيتن وفك عمرك
شكرا على هذه المناظرة الجميلة