اخواني حبيت أعرض هالموضوع لما فيه من أهمية كبيره …. وأهميته تكمن فالضرر الكبير الي ممكن تسببه .. و كل شيئ في شبهه الواحد يبتعد عنه لأن الانسان يبا التوفيق من الله ..
أستغرب في بعض الإخوان الي يعرفون ضرر أجهزة التجسس و التنصت وكيف يمكن استخدامها بشكل سلبي من قبل ضعيفين الإيمان و بعدهم يعرضونها للبيع … ناسيين انه ممكن انها تستخدم في أذيتهم هم قبل غيرهم … يعني ممكن يكون الضحيه أهله ((أخته .. أخوه)) أو أي حد من أهله و تعرفون ان هالأشياء صارت و تصير .. و غير هذا كله الواحد لازم يكون عنده غيره على أولاد و بنات المسلمين … و الي يفضح الناس ربنا يفضحه … و الي يساهم في هالفضيحه له اثم كبير لأنه السبب …
وين مخافة الله يالي تبيعون هالسوالف ؟؟؟!!!!!
و الأغرب انه من الي يبيعون هالأجهزة يعاندون … بالرغم من انه يعرف انه غلطان .. و فيها مساءلة .. و الدليل انه مرات ما يحط رقم مبايله .. و يحط ايميل و الي يأكد أكثر انه يقول : لا يوجد توصيل عن طريق شركات الشحن لأنه يعرف إن الدوله مانعة تداول هذه السلع ..
و في نفس الوقت الدوله مانعه تداول أجهزة التنصت و التجسس… لأن الحكومة الرشيدة تدرك الضرر الكامن من ورا هذي الأجهزة … ورغم هذا كله نشوف بعض الناس ((الي ما يهمهم غير الربح)) ولا مفتكرين فالناس يتجاهلون هالقوانين ..
ممنوع بيع كل أجهزة التنصت و التجسس بمختلف أشكالها مثل :
1- ريموت سياره فيه كيمرة سواء فيديو أو صور
2- ولاعه فيها كيمره
3- قلم فيه كيمره
4- جهاز تنصت صوتي
5- نظاره فيها كيمره .
لأنها بالفعل مثل ما قال واحد من الخوان تخرب البيوت و تزعزع الأمن الأسري … و الناس الي فيها كافيها
لذلك أرجو من الإخوان الإنتباه لهالشي … التاجر يحط مخافة الله بين عيونه علاشان الله يوفقه ((و أنا أقصد التجار الي ما يهمهم غير الربح ومتجاهلين القوانين و الضرر الي ممكن تسببه سلعهم))
و أرجو من الأعضاء اذا شافوا أي موضوع مماثل تبليغ المشرفين الموجودين على الفور .. علاشان نمنع من تداول ما يضر المسلمين .. و نمنع التجار الي ما يخافون الله .. و الأجر من عن الله سبحانه و تعالي
و الإدارة ما تقصر انشاء الله مع العلم انهم منوهين لهالموضوع لكن من الناس ما تدخل و تقرا
أتمنى من اللإخوان انهم يشاركون ويبينون أضرار أجهزة التنصت و التجسس لأني سبحان الله يمكن أكون نسيت شي ….
و السموحه منكم
مشكور اخوي بوجاسم عالموضوع
.
.
تسلمون يا جماعة على تفاعلكم .. الي خلاني أطرح الموضوع .. على قد ما تكلمنا و الإداره منوهه لهذا الموضوع من التجار يتجاهلون القوانين … مع العلم انه ممنوع في قوانين الدولة … و غير هذا كله نسوا مخافة الله …
الله يعين المسلمين و يكفيهم الشر
عن أبي سعيد الخدري – رضي الله تعالى عنه – قال: قال رسول الله صلى الله عليه وسلم: ((من رأى منكم منكرًا فليغيره بيده، فإن لم يستطع فبلسانه، فإن لم يستطع فبقلبه وذلك أضعف الإيمان)) أخرجه مسلم.
والله كلامك صح يا خوي بو جاسم لكن في ناس ما يهمهم اذا كانت السلعة اللي يبيعونها فيها ضرر اكثر من فائدتها اهم شي عنده الفلوس اللي بيحطها في جيبه والسلام عليكم ولا يهتم شو بيستوي عقب.. عالعموم الله يهدي النفوس الضعيفة ومشكور أخوي على التنبيه
صدقت يا خوووووي بو جاسم
ومشكووووووووور ع الموضوع
موفق بإذن الله … لك مني أجمل تحية .