السلام عليكم والرحمة
كيفكم أخواني
أنا الصراحة حاب أقضي إجازة خفيفة أنا والحرمة و طفلتي لـ4 أيام تقريبا في دبي أو الامارات الشمالية
بس حاب أحد يدلني على فنادق جملية ومميزة و بأسعار غير مكلفة يعني من حدود الليلة 600 إلى 800 تقريبا .. والي عنده تجربة يخبرني ووين أفضل فندق وياريت يكون ” عائلي يعني ”
ولو في مثلا خدمات تقدمها الفنادق مثل يمشونك و جي يخبرني لا يبخل علينا بشي ..لأني أنا ما أدل بصراحة في دبي أبد
أنتظر ردودكم
واسمحولي
انا انصحك بميناء السلام او فندق القصر اسعرهم 1500 مع الضريبه تقريبا بس بتكون عندك مميزات
1- بتركب العبارة المائية اللي تمشيك بين الفنادق (ميناء السلام والقصر والشاليهات) بتكون جوله حلوه ومجاانا اركب كم ما تبا
2- بيكون عندك بقي تركب فيه انته وعايلتك تاخذون فيه لفه على برج العرب وجميرا بيتش وعلى الشاطيء
3- تدخل اولادك الحديقة المائية الوالدوادي مجانا
4-فيه باص يوصلك واييلبك من الحديقه مجهز بالمناشف وكل شي
وفيه وايد اشاء حلوه بعد
ان شاء الله تستانس
ذا كوف روتانا في راس الخيمه شاليهات مع خدمه فنادق 5 نجوم مكان ولا اروع
مرحبا اخوي ان شاء الله تقضي اجازه سعيده مع الاهل اذا انت ساكن في المناطق الشماليه احسن لك دبي واذا العكس اشوف المناطق الشماليه جميله
انا ارشح لك Al Hamra Residences في راس الخيمه وهذا رابط موقعهم على booking.com
Booking.com: hotel Al Hamra Residences, Ras Al Khaimah , United Arab Emirates. Book your hotel now!
صراحه مكان ولا اروع مانصحك في الفنادق وخاصه اللي تكون في المدن بالعكس بتكون لك رحله شقاء بدل وناسه وضحك
خاصه في هل الوقت وعندك عيال شوف لك مكان قريب البحر او العاب يعني شي يديد .. تقولي مولات بصراحه تقدر تروح لهم اي وقت مب شرط في الاجازه حتى بعد الداوم
افضل انك تتصل في الفندق وتستخبر عن الفعاليات والاماكن اللي ممكن تروحون لها اهم شي المنطقه تكون جديده علشان تكسر الملل
بالتوفيق
يعطي كالعافية أخوي
لا خلينا على الفنادق أبرك
إن شاء الله بتواصل مع ها الفندقين وبشوف ترتيبهم
اتمنى بعد أحد من الأعضاء يفيدني
فندق كمبنسكي في مول الامارات ممتاز.
دبي رافلز
لو ترتب من وقت ممكن يعطوك سعر مقبول مادري كم بالتحديد
بس في راي الشقق الفندقية افضل للعوائل, ارخص واريح