السلام عليكم ورحمة الله وبركاته
أخواني وأخواتي بسافر أمريكا للعلاج
سويت عملية في ظهري في شهر 7 في المانيا ومانجحت (عسى الله لا يبليكم)
ورجعت للدولة وطلبت أسافر أمريكا لتعديل العملية الأولى وأتعلم انجليزي (عصفورين بحجر واحد)
المهم والمطلوب هو الفيزا الامريكية كم تاخذ لين ماتخلص
أحسن طيران ودايركت إلى أمريكا .
طبعاً الموافقة على السفر ماطلعت ولا أعرف أي ولاية رايح
المهم شدو حيلكم معايه يعني اللي راح او يعرف حد راح مستشفى عدل ومعروف لا يبخل علينا
القوانين المتبعة في المطارات في أمريكا.
المهم من طقطق لي سلامو عليكو
طبعا اللي يريد شي من أمريكا فاله طيب أول ما أوصل بحط رقم تلفوني والريال اللي بيخاويني
وجزاكم الله خيراً
ودمتم سالمين
السلام عليكم
اول شي اخووي ما تشوف شر .. و عسى الله يشفيك
انا تو راجع من امريكا .. ولا منيسوتا .. مدينة روشستر
اذا الله قدر لك و سرت هالمدينه كون فيها واحد من اهم المستشفيات اللي هو مايو كلينك
ترى المدينه وااايد هادية و شعبها وايد حبااااب .. و ترى المدينه الحين مثلجه عالاخر
اما عن الرحله انا طلعت من دبي -امستردام – منيابلوس- روشستر
و الرحلة كانت زينه … و ما كان فيها اي تعقيدات
المهم اخوي اذا الله كتب و قدر لك تروح روشستر فخبرني .. لان الحمدلله اكتشفت هالمدينه كلها تقريبا … و عندنا ناس هناكي راح يساعدونك اذا بغيت شي ان شاء الله
و اولا و اخرا اسال الله العلي القدير ان يشفيك و يشفي كل مرضا المسلمين
اخوك
ألف سلامة عليك أخوي و ما تشوف شر ::: تسير و ترد بالسلامة
اخي عن المستشفيات حسب العلاج
المستشفيات التالية عامتا ممتازة و انا بحطلك جنب كل واخد منهم اتخصص الاحسن فيها
مايو كلنك في راجستر مني سوتا – الباطنية و القلب
بوستنن جنرال في بوستن ماساجوسست -الاطفال
دوك مديكل سنتر في دورام .كورلاينا الشمالية – عظام و خاصة العمود الفقري
هناك دكتور اسمه haye
و دكتور سكالي للركب
و كليفلاند للقلب و العظام
و كذالك ممكن تستعين بي التقرير السنوي عن المستشفيات الامريكية الي تصدرها us and world report
http://health.usnews.com/sections/health/
و اللنك اعلاه ممكن يفيدك في البحث
بس حط شو التخصص المطلوب و بيعطيك احسن المستشفيات في امريكا في ذاك اتخصص
و اتمنى من المولى و يشفيك و جميع المسلمين