فتحت لقيت مندوب يقولي أنت ربحت معانا تنظيف ( كامل ) للبيت ..!!
قلت طيب وبعدين ..خلصني قولي شو عندك وانت مكانك ؟؟
قال أصبر ياباشا لازم ندخل ننظف لك البيت وبتشوف بعينك الجهاز والي يعمله ..؟؟
قلتله طيب من الأخر قولي قصته وكم سعره وأنا بوفر عليك التعب هذا كله ..!
المهم أصر هو يدخل وينظف ( كل شي ) مجاناً لا وبيعطيني هدية ببعد قيمة ألف درهم ( أغسل أيدك )
قلت بخاطري أنا فاضي وأتريا المباراة بخليه ينظف ويسوي الي يباه وبعدين بصرفه
وقعد يشرح ويبربر واااااااااايد وأنا أقوله خلصني خلصني أنا ما بسمع تاريخ الشركة وهالحركات طول اليوم ..!!
ولااااااااااا كأنه يسمعني شو أقوله مصر أنه يتكلم كأنه كمبيوتر مبرمج على كلام واسئلة ويحاول يحرجك وان بيتك فيه وفيه وأن الجهاز هذا السوبرمان الي بينقذك من الكارثه الي أنت عايش فيها ولا أنت تدري
وأنا مطننننننننش
ويطلعلي العده وهو يقولي أنت أول زبون افتحله العده ( ومن هالخريط ) وهالجهاز من شكله لف على كل البيوت
ليييين وصلني للفراش مال الكرفايه وركب قطعه وشفط من الكرفايه وطلع غبار في الفلتر عنده وقالي شوف ياباشا هذي حشرة أسمها عثة الغبار (DUSTMITE) ( ويراويك صورتها المرعبه عنده )
ويقولك هذي حشرة أنت ما تقدر تشوفها لا،ها مكبره ألف مره وفي ملايين بفراشك ترضى أبنك أو حد من أهلك ينام على هذي الحشرة ..؟؟
( وكل شوي يقولك ترضى وترضى على أهلك )
المهم قلتله المفروض تييب وياك مجهر عشان تراويني كيييييف جهازكم الجبار يقتل أو يشيل هذي الحشرة فسكت لأول مره وما عرف يجاوب ..!!!
وقلتله هالحشرة تقلتلها أشعة الشمس فقط وبلا هالأفلام ..!!
والحبيب غير الموضوع وقالي طيب تخيل جهاز بهذه المواصفات كم سعرة مقارنة بسعر شركة ( كيربي ) الي ب 11000..؟؟؟
وقالي جهازنا بـ ( 9700 ) درهم بس تخيل ..!!
قلتله جهازك غالي وما أحتايه فأنصدم الريال وفي الأخير شاف مافي فايده وأنا ( معند ) أتصل على مديرة ومديره ومديرة على طول وصل ( سبحان الله ) وكأنه واقف على الباب ..!!!
وورد مديرة يعيد لي القصة ( بأحترافية أكثر ) ويحاااااااااول يقنعني بكل الطرق وكل السبل وأنا معنننننننننننننننننند
وقلتله أنتوا بديتوا بكذبه أنكم بتنظفون البيت كامل مجانا والي شفته بس عرض بسيط وقلتوا هديه بالف درهم وأنا فتحت النت جدامه والناس تسب في جهازهم وفي ضمانهم ( الي أونه 15 سنة )
وقلتله أنتوا ناس تعتمدوا على ( إحراج الناس ) بكل الطرق لتسويق بضاعتكم وتعتمدوا مبدأ الضغط للبيع وكأنه غصب طيب الواحد بيشتري منكم وأنا على قناااااااعه أن هذا الشي ما يفيدني وايد
لأن شركة تنظيف منزليه ما تكلف 300 درهم في الشهر
أو حتى شراء جهاز أقل مواصفات وبسعر أقل بعشر مرات من جهازكم ..!!!
وعلى العموم أنا أحذر من التعامل مع هذه الشركات وأدخالها البيوت خاصة لربات البيوت الي أعرف أن الأغلبية ما بيتحمل الضغوط والأحراج وحركات النص كم لهذه الشركات ومندوبيها ( بياعين الهوا )
والمنتج موجود في النت الي مقتنع يتصل عليهم وبيوونه ركض أسرع من أبو الحروف
والله ولي التوفيق
هههه انتو تتكلمون عن المكنسه
محد قد ياكم عسب فلتر الماي مال خزان البيت؟
اونه يقتل البكتيريا والطفوليات ههههههاي
والله ناس عجيبه غريبه
لا وبعد ع الفلتر ماله يباه حول 5000 ماذكر بكم بالظبط
مشكووووووورين على المرور ياليت حد يتبرع ويبلغ عنهم حماية المستهلك أو حتى وزارة الأقتصاد الي فالحين بس بالسكوت على المنكر من رفع أسعار بترول وغيرة ولا حد يسمع لهم حس
بسم الله الرحمن الرحيم
الله يعين من هالبياعين ، يبيعونك الكلام ويخلوك على الحديدة
تحذروا يا أخوان من اللي يدخلون البيوت بحجة البيع أو عرض سلعة، ما تعرف شو هدفه، احتمال يجمع معلومات عن محتويات البيت و اللي عايشين فيه وما تدري منو يمكن يستفيد منها!!!
انته اكيد ساكن في عود المطينه الجديده لان الجماعه مركزين على هذي المنطقه وكل 3 ايام المندوب يضرب الجرس وتبدأ نفس الاسطوانه المشروخه … اول واحد فيهم تم يلح ويلح وما طاع يفك لين ما خذ رقم التلفون عشان يتصل في يوم من ايام الاجازه ويحاول يدخل البيت بالمكينه الخارقه الي عنده …. نقع موبايلي يوم الخميس 10 ميس كول اتصلت فيه وهزأته وقتله لا تتصل مره ثانيه ويرجع مره ثانيه يعيد قصه اني فاهم الموضوع غلط وان هو يحاول يساعدني اتخلص من غبار المنزل القاتل …. اخر شي سكرت التلفون في وجهه … بعد 3 ايام ضرب الجرس واحد ثاني واول ما بدأ قال نحنا من شركه رنبوا العالميه سامع عنها .؟؟ قتله ايوه سامع عنها لان واحد من مندوبيكم دخل البيت وعمل العرض عندي ونظف البيت كامل وانا ما اشتريت المكينه … قال والله ؟؟ قتله والله ….. قال لا لا اكيد هذا احد الشركات الصينيه الي حاولت تنصب عليك بمكينه رينبوا تقليد لان انا المسؤل عن هذي المنطقه وانا اول مره اضرب جرس بيتكم …. قتله بس انا ما ابغي اشتري المكينه اكيد سعرها فوق ال 10 الاف … قال لا لا مش 10 الاف وسكت <<< توهق السعر اغلى من 10 الاف ههههههه اخر شي حوشته …. وبعد 4 ايام بالضبط طلع مندوب جديد يضرب الجرس اول ما قال رينبوا العالميه سكرت الباب في وجهه بدون ما اتكلم ابدااااااااااااااا …
تحياتي للجميع