فتحت لقيت مندوب يقولي أنت ربحت معانا تنظيف ( كامل ) للبيت ..!!
قلت طيب وبعدين ..خلصني قولي شو عندك وانت مكانك ؟؟
قال أصبر ياباشا لازم ندخل ننظف لك البيت وبتشوف بعينك الجهاز والي يعمله ..؟؟
قلتله طيب من الأخر قولي قصته وكم سعره وأنا بوفر عليك التعب هذا كله ..!
المهم أصر هو يدخل وينظف ( كل شي ) مجاناً لا وبيعطيني هدية ببعد قيمة ألف درهم ( أغسل أيدك )
قلت بخاطري أنا فاضي وأتريا المباراة بخليه ينظف ويسوي الي يباه وبعدين بصرفه
وقعد يشرح ويبربر واااااااااايد وأنا أقوله خلصني خلصني أنا ما بسمع تاريخ الشركة وهالحركات طول اليوم ..!!
ولااااااااااا كأنه يسمعني شو أقوله مصر أنه يتكلم كأنه كمبيوتر مبرمج على كلام واسئلة ويحاول يحرجك وان بيتك فيه وفيه وأن الجهاز هذا السوبرمان الي بينقذك من الكارثه الي أنت عايش فيها ولا أنت تدري
وأنا مطننننننننش
ويطلعلي العده وهو يقولي أنت أول زبون افتحله العده ( ومن هالخريط ) وهالجهاز من شكله لف على كل البيوت
ليييين وصلني للفراش مال الكرفايه وركب قطعه وشفط من الكرفايه وطلع غبار في الفلتر عنده وقالي شوف ياباشا هذي حشرة أسمها عثة الغبار (DUSTMITE) ( ويراويك صورتها المرعبه عنده )
ويقولك هذي حشرة أنت ما تقدر تشوفها لا،ها مكبره ألف مره وفي ملايين بفراشك ترضى أبنك أو حد من أهلك ينام على هذي الحشرة ..؟؟
( وكل شوي يقولك ترضى وترضى على أهلك )
المهم قلتله المفروض تييب وياك مجهر عشان تراويني كيييييف جهازكم الجبار يقتل أو يشيل هذي الحشرة فسكت لأول مره وما عرف يجاوب ..!!!
وقلتله هالحشرة تقلتلها أشعة الشمس فقط وبلا هالأفلام ..!!
والحبيب غير الموضوع وقالي طيب تخيل جهاز بهذه المواصفات كم سعرة مقارنة بسعر شركة ( كيربي ) الي ب 11000..؟؟؟
وقالي جهازنا بـ ( 9700 ) درهم بس تخيل ..!!
قلتله جهازك غالي وما أحتايه فأنصدم الريال وفي الأخير شاف مافي فايده وأنا ( معند ) أتصل على مديرة ومديره ومديرة على طول وصل ( سبحان الله ) وكأنه واقف على الباب ..!!!
وورد مديرة يعيد لي القصة ( بأحترافية أكثر ) ويحاااااااااول يقنعني بكل الطرق وكل السبل وأنا معنننننننننننننننننند
وقلتله أنتوا بديتوا بكذبه أنكم بتنظفون البيت كامل مجانا والي شفته بس عرض بسيط وقلتوا هديه بالف درهم وأنا فتحت النت جدامه والناس تسب في جهازهم وفي ضمانهم ( الي أونه 15 سنة )
وقلتله أنتوا ناس تعتمدوا على ( إحراج الناس ) بكل الطرق لتسويق بضاعتكم وتعتمدوا مبدأ الضغط للبيع وكأنه غصب طيب الواحد بيشتري منكم وأنا على قناااااااعه أن هذا الشي ما يفيدني وايد
لأن شركة تنظيف منزليه ما تكلف 300 درهم في الشهر
أو حتى شراء جهاز أقل مواصفات وبسعر أقل بعشر مرات من جهازكم ..!!!
وعلى العموم أنا أحذر من التعامل مع هذه الشركات وأدخالها البيوت خاصة لربات البيوت الي أعرف أن الأغلبية ما بيتحمل الضغوط والأحراج وحركات النص كم لهذه الشركات ومندوبيها ( بياعين الهوا )
والمنتج موجود في النت الي مقتنع يتصل عليهم وبيوونه ركض أسرع من أبو الحروف
والله ولي التوفيق
ولكن اخوي استلمهم
وعرف كيف يصرف وياااااهم
ومن ذيك الساعة مااا شفناااهم مرة ثاانيه
العين 1999 ههههه
اسمييكم
مادواهم الا جيه
لا تسوولهم سالفه
اجمل مافي الموضوع ان صديقي عرض عليه المندوب ان يخلصه من قشرة الراس
عن طريق شفطها بالمكنسة
والله انك صادق
مع الأسف خطفوا منا سماع الصلاة ثم خطفوا الإقامة للصلاة والله يستر في أن يخطفوا علينا الآذان بعد
لماذا كل ذلك ؟؟ حتى يرتاح بابو و ويليمز من الإزعاج ، أستغفر الله العظيم
كنت في زيارة إلى جدة وأصوات الإقامة والصلاة تصدح مع كل صلاة ويشهد الله أن عيوني دمعت حين تذكرت ما نحن فيه هنا في الإمارات حيث لا نسمع إلا الآذان فقط
اسأل الله أن يهدي قومي إلى ما يرضي رب العزة والجلال
مندوبين هذه الشركات تم اختيارهم لأنهم من ذوا الدم البارد الثقيل العيار
مأذين خلق الله فعلا
ولوكنا في بلاد مثل أمريكا ممكن ترفع عليهم قضية إزعاج وتكسبها
كم مرة ودي أدوس بطن بعضهم بسبب إصرارهم وطابوقية وجوههم وغلاستهم
واللي يرفع الضغط أنه ايدق جرس الباب ويصر على مقابلة صاحب المنزل
وعقب ماتلبس وتظهر في الحر تلقى الأخ متكشخ ببدلة وكرفتة وشنطة سمسونايت ( تقليد)
تقول الأخ سفير .
ويبدأ مسلسل العرض القاتل ومحاولات الإقناع المستميتة ويحاول يدخل بيتك قبلك
كل هذا عسب يعرض عليك اختراع القرن
وانت تعتذر له أنك ماتحتاج لخدماتهم وأنك مب فاضي وأنك بتفطس من الحر وهو ولا جنك تقول شي
لييين يرتفع مستوى الضغط والسكر وتصرخ فيه إنجلع لا …
ينظر إليك نظرة الخائب الحزين أو نظرة من فقد صيدة محترمة كان سيكسب من وراءها عمولة زهيدة
أو نظرة الغاضب .. ثم ينصرف لضحية أخرى غير أبه بما قلت ..
والمصيبة إن ابتليت بمندوبة متكشخة بتكلف
ياجماعة إذا كان رفع الأذان صار يزعج الناس وسماع خطبة الجمعة ممنوعة لغير المصلين في المساجد
لأنها تزعج البعض لماذا لا يمنعون أذية هؤلاء ويفكون الناس من إزعاج مثل هذه الشركات المؤذية فعلا ؟