السلام عليكم
موضوعي هذا تعقيب على موضوع الاخ Red Arrow بعنوان ( ممنوع الاكتتاب للفقراء )
واللي اقترحوا الجماعة فيه أنهم ينشئون جمعية صغار المستثمرين ، عسب يعطون الفرصة لهم بالاكتتاب بالشركات الجديدة على قد حدود أموالهم ،، انا موافقتنكم بالكامل ،، لان بالفعل المفروض أى اكتتاب جديد يكون مناسب لصغار المستثمرين قبل الكبار — لان الهوامير مب محتاجين اصلا ،، ولازم يعطون الفرصة لصغار المستثمرين وإلا ما بيكون هناك اى توازن بين الصغار والكبار وبتكبر الفجوة وتتسع أكثر ……. لازم صغار المستثمرين المواطنين اييهم التشجيع بكل السبل ،،، نبغى نرفع مستوى معيشة المواطنين يا الهوامير ، بسكم بيزات بتفطسون منها ، عطوا فرصه للصغار يكبرون ( عنبوه باكل عداى وعدى يارى ؟؟ )،،، الاجانب صار مستواهم المادى أفضل بكثير من مئات الاسر المواطنه — ما حد يرضى بها الشى .
على العموم عسب ما نتشتت بعيد عن موضوعنا ، ابغيكم تكتبون الرسالة اللى تبغون توجهونها لمعالى الوزيره بها المقترح ، وانا بحكم طبيعة عملى واتصالى بمشروع تجارى دوت كوم اللى تديرة الوزيره ،، انشالله اتوفق واوصل لها كلمتكم .
بس هاه ،،، اذا ما صار شى لا تردون فير على ،، وتاكلونى أكال بالمنتدى – انا والله بسوى اللى اقدر عليه واوصل لها الرساله والباقى على الله ثم على قرارها .
والله المستعان ،،،
السلام عليكم
اخواني قولوا امين انه الخبر اللي وصلني مب اشاعة
بقوله الحين في المنتدى بس لاحد يقولي اني مروج اشاعات
وبصراحة اتمنى يكون الخبر صحيح
الخبر يقول انه الشركات الجديدة التي ستطرح للاكتتاب العام سيلغى منها المؤسسون وسيتم تخصيص حد ادنى
كم الحد الادنى الله اعلم
اذا اي حد عنده معلومة مؤكدة عن ها الخبر ياليت يخبرنا
الخبر يعتبر اشاعة حتى تتم التاكد من صحته ويتحول الى معلومة مؤكدة
السلام عليكم
يزاج الله خير اختي وهذي بادره طيبه منج
وأنا بعد عندي إقتراح إن شاء الله يكون مفيد
المشكله إلي طرحتيها وايد حلوه
بس هذي بخصوص الإكتتابات اليديده
وأنا أزيد وقول نحن محتاجين لتكاتف والمطالبه بإنشاء (صندوق المضاربة) لصغار المستثمرين
فلوسي على فلوسكم ونسوي إتحاد صغار المستثمرين + ناس من ذوي الخبرات في المضاربة=(إنصير أكبر هامور فالسوق)
وطريقة الصناديق معروفه كيف وهذا مثال
صندوق النعيم الإسلامي
سيتم طرح صندوق بنك ابوظبي الوطني للاستثمار الاسلامي في الامارات بالدرهم، وهو يهدف الى تنمية رؤوس الأموال على المديين المتوسط والبعيد عن طريق الاستثمار في أسهم تتوافق مع مبادئ الشريعة الإسلامية ومدرجة في أسواق الأسهم المحلية مع إمكانية الاستثمار في الأسهم المدرجة في أسواق منطقة الشرق الأوسط وشمال أفريقيا.
سيقوم الصندوق على تلبية متطلبات العملاء الذين يبحثون عن صندوق استثماري متخصص في الاسهم المحلية و يخضع لاحكام الشريعة الاسلامية.
الاكتتاب والاسترداد : شهريا والحد الادنى للاستثمار بالنسبة للافراد هو 10.000 درهم وبعد ذلك بمضاعفات مبلغ 1000 درهم. رسوم الاسترداد هي 2% خلال السنة الاولى، و1% اذا تم تقديم طلب الاسترداد في الفترة الواقعة بين السنة الاولى والثانية، اما بعد ذلك فلا توجد رسوم استرداد.
التسهيلات المتوفره : التسهيلات غير متوفرة حاليا. الا انه قد يتم تقديم تسهيلات تحوط وفقا للشريعة الاسلامية مستقبلا.
تسعير الصندوق : اسبوعيا وفقا لصافي قيمة الاصول
سيولة : شهريا
تاريخ الطرح : 14 ديسمبر 2004.
الرسوم : رسوم الاكتتاب – 2% (يتم دفعها مرة واحدة ومقدما)
رسوم الادارة – 2% سنويا
رسوم الاداء – 10% علاوة على قيمة الزيادة المتخطية للحاجز بنسبة 8%سنويا.
المستثمرين المستهدفين : الصندوق متاح للجميع وتحديدا للمستثمرين الذين يرغبون الاستثمار وفقا لاحكام الشريعة الاسلامية وعلى مستوى محلي نظرا لما تتمتع به دولة الامارات من اوضاع اقتصادية مشجعة وحيوية بالاضافة الىعدم توفر الفرص الاستثمارية المناسبة عالميا.
اخر يوم عمل من الاسبوع
AED 13.4811 05-May-11
تاريخ الإغلاق
AED 13.6123 05-May-18
فعلا
لازم تكون الرساله مكتوبة بطريقه قانويه ومدروسه وتظهر سلبيات وايجابيات الموضوع وها السوالف يعنى — بس جهزوها والله يوفق الجميع .
معالى الوزيره تكون موجوده بدبى يوم واحد كل اسبوع .
شكرا يالعامرية على مبادرتك الطيبه
أنا أقترح ان اللي يكتب الرساله يكون شخص دارس القانون يعني محامي او مستشار قانوني لان القانونيين ادرى بالصيغة المناسبة
لو في أي أحد من الاعضاء دارس قانون أو أحد من أهله في هدا المجال الرجاء ان يساعدنا في صياغة الرساله
وتوقع الرساله باسم أعضاء نتدى الامارات للاوراق المالية
وشكرا
:fffggg4:
فيك الخير يا العامريه والله معاك ومحد بيلومك