مــــــــــــــع حــــــــــــــمـــــــــــــد قـــــــــــــــــــلـــــــــــــم

42 thoughts on “مــــــــــــــع حــــــــــــــمـــــــــــــد قـــــــــــــــــــلـــــــــــــم”

1. هذه تكملة النشيد

   يا إلهي يا إلهي يا مجيب الدعوات
   إجعل اليوم سعيداً وكثير البركات
   وأعني في دروسي وأداء الواجبات
   و انر عقلي و قلبي بالعلوم النافعات
   واحمني واحم بلادي من شرور الحادثات

   والله هل الاناشيد الصح ، مب اناشيد هل الايام ، ولد اختي ايعلمونه في المدرسه نشيد

   جدي عندو حمااار ، بيركبنا خلفوه

   وله نشيد

   ارنب ارنب انا ارنب ، احب الشجر كـتير كـتير ومن الغابه ما بتعب <– مدرسته لبنانيه

   اناشيد مالها معنى

   وحيالله الشواب ،،،

2. مع حمـــــــــــــــــــــد ورق

   مع حـمـــــــــــــــــــد قلم
   ذكريات هالايام ….كانت الامور غير…

   سندويشات وكافي اذكره للحين كان جلكسي…وسنتوب اذا هب غلطان……و200 درهم يعطونا اياهن…..وطاقتين وحده اذكر انها صوف للشتا……والدفاتر اللي عليهن صوره حياه زايد الله يرحمه ويغفر له….ورمضان بالصيف الفطور كله يح وشمام..بالظهر ما تشوف قطو يمشي خاري….وبيبيرو والرجل الحديدي وغلندايزر وصفر صفر واحد وفارس الفضاء…[color=”#CC0000″]والي عنده برموده هو الزعيم[/color]…والبرشوت بعد بو السفن اب….وسياكل البالون 16 ….وارض المرح.. وصحون الكيما عالصبح…والتونه والدقوص للفطيره برمضان..والشبس مع اللبن..والامطار اللي تمت اسبوعين تقريبا متواصله وغرقت كل شي…كانت هيه الايام اللي تلاقي بها الشباب يحومون بالحدايق…طروق 4000 لفه بالساعه…ومعرض اكسبو من الذكريات….وعماره حياه راشد الله يرحمه كانت شي من الغرايب وقتها….كل ما نوصل رحله لدبي نعد طوابقها عشر مرات وكل مره النتيجه تكون مختلفه. وبسكويت نبيل ما كان معروف …كان ايامها المنتشر بسكوت ايي من الهند يحطونه بشي شرات بيب السح الحديد..
   
   السموحه عالاطاله.. واذا حدت عن الموضوع…لكن مع حمد ورق ردت كل هالذكريات ^-^ ايام حلوه وما بتعود خلاص..

   حاليا زمن ثاني وطفوله مختلفه

   خخخخخخخخخخخخخخخخ والله ضحكتني من الخاطر

   مادري في بعض الشغلات اتنذكرها على زماني بس مادري ليه احس انك من جيل السبيعينات

   اللي اذكره اني لحقت على جيل هند ونورة وسعيد الكتاب اللي لون الغلاف بني..

   واذكر شي كان دوووم ما انساه كانت عندنا بنت دووووم تخق علينا لنه عندها كمبيوتر تدرون زمان أول

   اللي عنده كمبيوتر ينعدون بالاصابع و كأنه صار مخترع خخخخخخخخخخخخخ كنت دووووم ايي فخاطريه

   اعرف شو هذا الكمبيوتر خخخخخخخخخخخخخخخخخخخ

3. والله اغلب الردود تضحك من الخاطر …

   انا من فتره شفت اغلب ربيعاتي الي عرست والي طبت الدراسه والي تخرجت وكلهم نفس الموجه ما شي شغل لانه دفعتنا يديده ^_^

4. طع صدق شو سالفة سنيات الوداع
   
   حتى نحنا نغني سنيات الوداع
   
   ويوم سالت ربعي معظم جيلنا
   
   يغنونها سنيات الوداع

   الله يخلي المدرسين ما قصروا
   طبعا اغلبهم من مصر والثاء عندهم سين

   لين ما وصلنا الاعداديه ونحن وياهم عالموجه
   درسنا في الاعداديه عن نظرية فيساغورس

   ويوم خلصت من الدراسه اكتشفت ان الريال اسمه فيثاغورث

5. النمله و الصرار، مب الصرصور، يالشيبه.

   انا الشيبه ؟
   عدال يا ولد اليوووم.. انته ما كنت تكتب فالكراس
   كنت تنحت الدرس على حصاااه

   انا كنت بقول صرار بس قلت صرصور
   بشوفك اذا مركز وياي

Comments are closed.