السلام عليكم ورحمه الله وبركاته
حبيت اغير شوي في اتيكيت المواضيع لاني شفت المنتدى ميت من فتره طويله ومب هو منتدانا الي نعرفه …
وان شاء الله موضوعي يحي شوي ويعطي طاقة وحيوية بس بدون جوانح
كل واحد يدش ويقول لنا هو من أي جيل
مع حمد قلم ؟؟؟؟؟؟؟؟؟؟؟؟
والا
لبست هنـــــــــــــــــد حـــذااااء نــــــــــــــــــوره ؟؟؟؟
والا
الجيــــــــــــل الجـــــــديد؟؟؟
و شو تذكرون من دروس صف أول ابتدائي؟؟؟؟؟؟؟؟
………………
انا من جيل هند ونوره وحمد وسعيد^^
اممممممممممممم اذكر في نهاية كتاب العربي اناشيد
شجري شجري شجر السدر
سمح الظل وقت الحر
وله ورق ورق اخضر
وله نبق نبق احمر
كنت احب كتاب اللغه العربيه اللي لونه ابيض كتاب الخط( مب الاصفر) كانوا يعطونه لنا بصف اول ابتدائي^^
بصراحه كنت حاب اشارك في الموضوع بس
الجمله إلي فوق باللون الأحمر منعتني عن المشاركه
صحيح إني مشاركتي لا تقدم ولاتأخر بس وجهة نظر
يعني الشباب ما مقصرين بصراحه في المواضيع ليش يعني مواضيعهم مو على المستوى
يعني القناص منزل موضوع
وسواح منزل موضوع
وسلبت الروح منزله موضوع
وغيرها غيرها من الاعضاء النشيطين
بالطبع ما ذكرت الكل بس عاد لا تزعون بس ذكرت المشاكسين كمثال
واعتذر للجميع على مشاركتك
ويييه منوه قالك اني عيووز وافديتني بعدني تينيجر ههههههههه
اتذكر الاكل كانوا يبيونه لنا في الصف عشان اننا رقيقات وصغار حتى ان المدرسات ياكلونا بايديهم ويدلعونا مرات لانه عددنا خفيف ههه
حتى اني اتذكر المدرسات لما يبون ريوقهم يحطونه في ورق مجلات زهره الخليج ونحنا نقولهم وععععععع (( هذا غلط يا ابله ))
التغذية المدرسة
سلة لون احمر / اخضر / اصفر
الفواكة :
برتقال / تفاح / موز
السندويشات :
جبن / جام / زعتر
المشروبات :
عصير سن توب
الحلويات احيانا وليس دائما مع بسكوت نبيل
نشيده الانجليزي اضني مرت علينا في الصف الرابع والا انا غلطانه ؟؟..
النشيده مب حافظتنها بس والله ايام حلوووه
النمله و الصرار، مب الصرصور، يالشيبه.