السلام عليكم يا اخوان
وأسعد الله مساكم ….
بغيت اخبركم انه في محل انعرض علي للشيل والعبايا للبيع فالعين ومساحته كبيره وفموقع ممتاز بعد
وانا سمعت عن مشروع الشيل والعبايا يكسب ذهب وخذت الفكره على محمل الجد ورحت اشوف المحل
وبصراحه عيبني وديكوراته بعد روعه .. يعني لو خذته مايبالي ابدل في شي بالمره ..
المهم سرت افاوض صاحب المحل اول سؤال سألته .. ليش تبا تبيع المحل .؟؟
قال ما افهم فشغل العبايات .. وللعلم هو مفتوح من سنتين
وقالي اذا مالك فهالشي لا تدخل بتخسر ولا بتجني شي من وراه
الريال حطمني والله 
مع اني سمعت انه شغل العبايا وايد وراه فايده
اممممم
وبسسسس …. بغيت رايكم فالموضوووع ماعرف شسوي 
نورتو الصفحه بطلتكم وآرائكم
عالعموم بخصوص المحل انا بغيت اقولكم انه صاحبه حاط بنيه تمسك الحسابات فيه وعن نفسي انا
شفتها محترمه ومش مبين عليها نصابه والمحل فيه خياطين اثنين وثلاث عمال غيرهم ..
بس الاهم من هذا كله انه قال انا لو بغيت اربح اكثر جان خليتلي مندوب يروح دايما دبي وبوظبي عشان
يشوف الموديلات اليديده اللي نازله بس ماسويت هالشي …!!!
ههههه ضحكني هنيه والله
انزين ويوم انته تبا تربح ليش ماتحطلك هالمندووب ..
امممممم والله شاك ومحتار انا … بس انا خايف اخذه ويهدمون البنايه عقب . لانه البنايه مش يديده
بس المحل روعه وديكوراته رووعه بعد
خوية اذا عندك حد بيجابل المحل اقصد وحدة من هلك وعندها التصميم والابداع والتنسيق والابتكار في الموديلات وقصات العبي صدقني بدخل ذهب بس اذا ماعندك ………..^.^ بيسرقونك وبيقصون عليك وبتم تدفع اجار على كيف كيفك
انتة قبل ماتفكر تاخذ المحل هاتلك وحدة ثقة ثقة ثقة وخلها تجابل وتبتكر اسميكم بتربحون
وبالتوفيق يارب
اختك المستثمرة
هاذي شغلة حريم
عطني اياه…اذا ما بغيته
تشكر على المرور يا الامير
اي شغله للحريم تدخل لك ذهب
والله يوفقك