السلام عليكم ورحمة الله وبركاته
اخواني الي يدور لكزس مواصفات خليجية فعليه بمعرض السارة وهذا موقعهم
راعي المعرض ولد البلاد واحسبه من اهل الصدق والامانة ولا ازكي على الله احدا
يورد لكزسات المانية نظيفة عن طريق الوكالة فالمانيا
وانتوا تعرفون ان الالماني والخليجي شرا بعض
السعر غالي عندي وحده 98 بعتها 35 الف بس على ربيع يوم اعرضها في المعرض ما يعطوني سعر
امير الورد اشكرك على مرورك القيم والمفيد
اخواني بدور وغرشوب ابوظبي اشكركم ايضا على المرور
ههههههههههههههههههههههههههههههه
بس صدق ياخي الساره غالي وايد عن السوق
على العموم الله يوفقه بس الالماني يختلف عن لخليجي في الحراره يعني ماشي فرق عن الامريكي
وبالتوفيف للجميع ان شالله
بتوفيق يا رب
يزاك الله خير يا بوعائشه
بس الالماني يختلف يالطيب …. وعلى ما اظن ان اكثريه المعارض ماقاموا ييبون سيارات من الماني لان الجماااارك غاااااليه ….. والتعامل باليورو
يعني تطلع السياره اغلى عند الشراء في المانيا ويوم توصل هنيه تنباااع بخساره او بالاحرى براس المال … هذا يعتمد على التاجر وحسب خبرته في التعاملات الالمانيه … عكس السوق الامريكي اللي مغرق السوق كله بالسيارات مع العلم بانها ارخص بكثير بكثير ولكن التاجر يطلع الفايده دبل دبل دبل
مثال بسيط ….. يشتري ثلاث سيارات والرابعه مجانا من بيع الثلاث سيارات … والله يعلم تكون غرقانه والا شلها اعصاااار ويابها الامارات وهاااي تكون سعرها شويه ارخص لانها بدون جماااااااااااارك ؟؟؟ ههههه