السلام عليكم
الحمدلله قدرت اوفر 30 الف درهم لشراء سيارة جديده
بس الحين محتار شو اخذ بهذا السعر
في اختيارات كثيرة نفس الكامري والالتيما و ….
الموديل ما ابيه يقل عن 2005
فاتمنى انكم تساعدوني بالاختيار
الي يهمني بالسيارة انها تكون مريحة وقوية وسريعة
يعني اول ما ادوس تمشي بسرعة مب بعد دقيقة توصل سرعتها 100
وشكراً
مريحة قوية سريعة = لكزس
يشكل عام الـ GS و الـ LS سيارتين نفس النوع لكزس والاثنين سيارات تعتبرعملية .. لكن الـ LS بشكل عام فئة أعلى من GS
وبما انك حددت الموديل والسنة .. انا شخصيا بختار الـ GS في هالحاله لانها احدث فقط !!
المشكلة ان ميزانيتك محدوده + انت تبحث عن سيارة مستعمله و موديلها قديم شوي .. يعني ماتقدر تتشرط وايد ههه .. لو حصلت وحده نظيفه لا تفوتها سواء GS ولا LS اثنينهم عمليات لا تحير عمرك وايد
انا مريت بنفس تجربتك .. أول ماخذت الليسن قبل كمن سنة ميزانيتي كانت 40 ألف أشتري سيارة اتعلم عليها وكنت ادور على LS موديل من 98 لين 2000 .. رحت كل مكان .. العوير والشارجه ودرت لين راسي دار معاي ههه .. السيارات النظيفه كانت غاليه !! والسيارات اللي بحدود ميزانيتي يوم كنت افحصها كلها تطلع فيها مشاكل خصوصا الوارد لا يخدعك الشكل نهائيا ( انا كنت ادور فالمعارض فقط .. و الله يسامحهم نصهم حراميه وماعندهم ضمير ولا مصداقيه فالتعامل) ,, وبعدها الوالد ربي يطوّل بعمره عقب ماشاف مافي فايده من السيارات المستعمله فكني من الصدعه وخذت سيارة من الوكاله .. وهذي قصتي
الزبدة .. لو حصلت موتر نظيف وفحصته وطلع مافيه خرابات لا تفوته ولاتنسى تخلي حد من الخبراء فالسيارات وياك
السموحه اتكلم وايد ههه بس لانك تمر بنفس تجربتي وحاس فيك
لا كامري 4 سلندر مابي
اذا لك خاطر في كامري طلبك موجود
موديل 2005
ماشية 163 الف
اخضر فاتح
4سلندر
نظيفة وايد ما شاء الله
السعر النهائي 32 الف
0504402203
لكــــــزس 400