ارجو مساعدتي للحصول على قسيمة ارض
انا مواطن متزوج سنة 2007 وقدمت بطلب للحصول على قسيمة ارض من ديوان الرئاسه والله رزقني بطفلتين ولكن حتى الان لم احصل على شيء
ارجو مساعدتي من اي شخص يستطيع ان يحل مشكلتي
انا اطلب المساعده فقط والله اعلم بالحال وارجو من لديه الامكانيه على مساعدتي بمراسلتي على الخاص منعا للاحراج
مشكورين يا جماعه
كل اللي قلتوه سويته من تحديث بيانات وكم مره حاولت اقابل الشيخ بس مالي نصيب
أنا راضي باللي الله رازقني إياه وللأسف كل ليله إشوف حاتي اضايف انه غيري يحصل ويتشرط بمكان الأرض اللي يبأها وأنا عايش ويا عيالي بهل الحاله
كل شيء سويته
أخوي خذ جوازك + خلاصة القيد الخاصة بك + جواز الحرمة + جوازات العيال + خلاصة قيد الوالد + جواز الوالد + جواز الوالدة
أطلب شهادة لا يملك العين + أبوظبي ( 200 درهم + شهادة بحث أتوقع مجانية أو بمبلغ 100 درهم )
من هنيه تكون حدثت بياناتك في البلدية و من هنيه تحدث بياناتك في دواوين الشيوخ ربي يحفظهم
يفضل تاخذ نسختين من كل شهادة و روح ديوان الرئاسة و روح ديوان ولي العهد
و سلمهم للموظف و خذ أسم الموظف و قوله ضروري الموظفين اللي داخل يهتمون بالأوراق على يوصل لك مسج بأنه طلبك قيد الدراسة
المهم حاول عن طريق توصل للشيخ محمد مجلسه مفتوح لإستقبال المواطنينن يومي الأحد و الثلاثاء من الظهر هات وياك
جوازك و خلاصة قيدك و خبرهم إنكبتقابل الشيخ لأنك تريد أرض سكنية
المهم إن شاء الله يوفقك و تدخل على الشيخ و خبره بأنك محتاج لأرض خاصة لأنه بيتكم صار ضيق عليكم و إنك ما تقدر توهق روحك بالسلفيات عشان تبني فا تطلب أرض + قرض
و إن شاء الله تتوفق دنياو أخره ….. هذا و منك السموحة
أخوي .. متى آخر مره حدثت فيها بياناتك
يا بو سواف
أهل الخير كثير والعشيمه فيهم
ولو انه الحاله عسيره بس الله يفرجها
الله يكون في عونك اخوي ان شاء الله تحصل اللي يساعدك اهل الخير وايد هني