طبعا مثل ما تعرفون انه هناك طلبات كثيرة على السيارات المستعملة في امريكا وخصوصا من الامارات لجودة السيارة ومتانتها وسعرها الرخيص بالمقارنة مع الوكالات ,, فكرت لو كان هناك طريقة لاقناع احد ملاك المعارض في امريكا شرات
+
Straight Line Automotive Group | Pre-owned Dealer | Dallas, Texas
انهم يفتحون فروع في الدولة مثلا في عيمان او ام القوين لرخص الايجار ,, يعني بصورة ابسط معرض ستريت لاين اللي فوق يفتح له فرع مثلا في العين وييب المواتر هني باسعار امريكا طبعا بتقولون منو بيدفع الشحن والجمارك ؟ الجواب انه المعرض بيتحمل كل هذا وهو مستفيد لانه الاقبال بيكون كبير عليه اكثر من معارض السيارات المستعملة اللي تييب المواتر من امريكا وتدبل اسعر تدبيل والحين نحن اختصرنا هالوسطاء والمعرض اللي كانوا ييبون المواتر منه صار له فرع هني وصار ينقل مواتره اللي في امريكا للبلاد مباشره بسعر افضل والتجييك في البلاد وبدون غش !! واحلى شيء اذا ياب مواتر 2010 وممشاها يكون بسيط
هاي فكرة ورأي خطأ يحتمل الصواب وان شاء الله اللي عنده اضافة او تعديل يتفضل ^^
شـكــ وبارك الله فيك ـــرا لك … لك مني أجمل تحية .
binsief
فكرة رائعة لو حد من المواطنين يتبناها
لكن السؤال : هل المحتكرين ومن يساندهم بيخلون حد يستفيد منه الناس بعيدا عن الإستغلال الحاصل ؟؟!
لا يمكن أبدا ..ولا في الأحلام
العالم إتجه للعولمة ومنع الإحتكار و تحرير الإقتصاد والتجارة
ونحن بعدنا نربع ورا الوكلاء … يعني يوم حد يرمس ليش الغلاء ينط لك كم واحد يقولون لك التجارة حرة
ويوم تسال ليش الوكالات المحتكرة مازالت تذبح الناس ماتلقى جواب !!
كل شي في كل العالم معقول في الأسعار إلا عندنا كل شي سعره مضاعف ورغم التسهيلات الجمركية
السيارات حطمت كل المستويات العالمية في التكلفة رغم محدودية التكلفة الجمركية والشحن
لأن الوكلاء المحتكرين متوحشين ولا يراعون إنسانية ولا يردعهم قانون
لأنه هو اللي يحدد نسبة الربح اللي يباها ولا رقابة
نفس الشي معارض السيارات التي يتحكم فيها الوافدين إلا فيما ندر
ومبدأ التجارة الحرة يفتح الباب على مصراعية للمحتكر وكل يوم الأسعار إلى ارتفاع
وليتهم يكتفون بأرباحهم من ورا البيع المغالى فيه
ولكنهم يذبحون الناس في الصيانة وقطع الغيار وهذا يغري العمالة العادية غير الخبيرة في مجال الصيانة باللعب بالأسعار
واستغلال حاجة الناس
وزيارة مصفح مثلا والتعامل مع البنغالية تكشف وين وصلت الفوضى لأي مستوى
وتكشف الحرامية والطرق البشعة اللي يستخدمونها في أكل أموال الناس بالباطل
ولا أحد يتدخل وكأننا في غابة بلا قوانين ولا ضوابط تحمي الناس
والله يتولانا برحمته
والله يا اخوي انا معك لكن وين التفكير والتخطيط السليم ,,
وشيء ثاني اهم شيء في الموضوع انه صاحب المعرض الامريكي يوم يحصل الرخصة للمعرض بييب مواتره في باخرة ويصفطهم في معرض في عيمان (للرخص الايجار )وبارخص الاسعار ,, عكس المعارض هني تشتري الموتر من امريكا بسعر عالي وعقب تزيد عليه
واهم شيء التعامل مع الامريكان احسن بعشرين الف مرة من بعض الشاميين اللي الموتر رايح في عين امه وما يقولك عن بلاويه
اخوي النهدي ,,
لا يا اخوي الامريكان هب شرات بعض الزلمات اللي تلاقي السيارات مكودة عنده ويبا يبيعها بربح 70 الف !!
هايلا بيسوون دراسة صح وكفيلهم المواطن بيشترط عليهم انهم ما يزيدون السعر على السعر المعروض في النت بتقول تكاليف الشحن والايجار والجمارك من وين بيظهرهم ,, الجواب باعتقادي انه اذا باع بالسعر اللي في الموقع مبيعات راح تغطي على التكاليف التشغيلية على 6 او8 اشهر لانه السيولة ماشاء الله متوفرة لا وازيدك واذا شيء تميل فاكيد سوق الوكالات بيطيح في القاع !!
خورفكاني
لا والله يا الغالي ما اعرف مواقع مضمونه حلاته الموتر قدامك وتشتريه ,,
اخوي ممكن تخبرني طريقه او موقع مضمون اقدر اشتري سياره من الخارج
المشكله ياخوي اذا يا الامارات وفتح فرع بيشوف المعارض الثانيه بيتعلم الطمع وبيرد ببيع اغلى من المعارض اللي موجوده