السلام عليكم ورحمة الله ،، هذا اول موضوع لي بهالقسم واتمنى تتقبلوني بصدر رحب 
بغيت ام ال 350 الشكل اليديد يعني 2006 او 2007 ،، مهما كانت المواصفات ،، طبعا هالسيارة مش منتشرة وايد بين الشباب بس فعلا تعيبني ،، وعقب حيرة بين اكثر من سيارة بنفس الحجم والسعر ” تقريبا ” وبعد خيبة الامل الكبيرة في الاستيشن عقب ما حجزتها 6 شهور !!
،، قررت المرسدس ام ال 350 ،
فاتمنى اللي عنده للبيع او يعرف حد عنده هالسيارة يخبرني سواء في العام او الخاص ،، وتحياتي لكم واتمنى القى عندكم طلبي ،،
بالمناسبة ،، افكر في الكايين 6 سلندر ،، بس الشكل اليديد ( اقصد بعد تعديل المكينة ) ،، وطبعا هذا خيار مطروح وبقوة بعد ،، لكن ما اظن القى ،،
عموما شكرا لكم وبانتظار حد يفرحنا ^___^ وبعطيه توصية سوبر شارج اكيد غير سعر السيارة طبعا ^_^
الله يحييه الحبيب الاهلاوي .. واللي يخاف يقعد
وبعد خيبة الامل الكبيرة في الاستيشن عقب ما حجزتها 6 شهور !!
اشبلاها؟ !! يقولون عليها تجميع وبتنطلق بعد فترة
رأيك نحط لها ستوب لوز؟
يسعدك .. وان شاء الله تحصل مبتغاك
ياخوووي انصحك بال 500 ترىالسواقه وايد تفرق وماشيء فرق وايد في الصرفية بينه وبين ال 350.. ووحش ماشاء الله..
الله يوفقك
ML 350 في منها نوعين
نوع فل ابشن ونوع عادي
يفرق ما بينهم النافجيشن والخشب على السكان والkeyless
مكينتهم 272 حصان
ML 500 مثل ما ذكرها اخوي sd078 عليها كت ورنجات AMG
وفيها كل المواصفات ومكينتها 304 حصان
اما عن صرفية البترول فصرفيتها بسيطه للغايه وتفرق وياك بس بالريس يعني اذا ضغطت السيارة ودومك تسرع صرفيتها راح تكون اعلى بس اذا بقارنها مع سياره ثانيه بنفس مواصفاتها تراها ما تصرف وايد
وبالتوفيق ان شاء الله
والله ياخوي نبغي نوفر البترول
وبيني وبينك ما احب احط اقساط كبيرة ومبالغ فيها ،، من جذه انا في بالي 155 الى 185 الف سعر اشوفه زين ،، ومن جذه طلبت ال 350 ،،
عموما اخوي ما عليك امر تقدر تكتبلي مواصفات ال 500 ؟ او على الاقل الفروقات الرئيسية بين الاثنين ؟ ويعطيك العافيه وترجع بالسلامة إن شاء الله
شو تبا 6 سلندر. انا عندي ML500 AMG للبيع. مطلوب فيه 205000 نهائي. السيارة ماشية 30 الف بس و ضمانها لين 2010. الموديل 2006, و التسجيل في 2007. الرجاء الاتصال على 6672111-050 من يوم الاثنين لاني جارج الدولة الحين. بالتوفيق.