السلام عليكم
اخواني الكرام
بحثت عن مواضيع تخص العصي الممتازه ووجدت كذا موضوع لكن للأسف اتصلت هاتفيا بالتاجر صاحب المواضيع ووعدني بإيميل تفصيلي بالصور و الاسعار و انقطع الاتصال معه من 4 ايام و جواله مغلق الى الآن
عموما: طلبي هو عصي من الدرجة الأولى ((يفضل خشب العتم)) + قبضة العصا تكون قرن او عاج او ما شابه و لا مانع من وجود الفضة في شغل العصا
اتمنى ان اجد طلبي عندكم او ارشادي لأفضل العاملين بهذا المجال.
شكرا لكم
نتمنى ان نجد من يرشدنا لأبو راشد لأني بصراحة كنت اتصل فيه على مدى اسبوع و ما رد علي الا بالموت
و هذاك وجه الضيف …
اذا تقصدون التاجر بو راشد نحن اشترينا من عنده سيف مره ومن بعدها ما ادري شو سالفته بغينا سيف جلد ثاني بس تم يتهرب ما ، مره رد ع التيلفون وسوا عمره انه اخوه مش هو وانا متاكده من صوته لانه من يوم اتعاملنا وياه المره الاولى.
كان تعامله راقي ومحترم بس ما ادري ليش يتهرب من الزباين ، من اسبوعين بغينا من ها العصي اللي عليها شعار الدوله ( الفضه ) ورد على التلفون وقالنا بيشك ع اللي عندي برجع اخركم ، وخبر خيييير ياسيره كوني سيره لا رد يتصل ولا اهتم ولاحتى مسج .
المهم انا ماب عارفه تفسير محتاجين العصا ضرووووووووووووري بس ماشئ فايده من هذا التاجر .
ونا شراتكم اتصل في الريال ومايرد ومايرد علي المسجات بعد
بالتوفيق اخواني
انا اذكر الوالد كان من فتره يدور هذي العصي ومالقاهن …. ونعتوه ع سوق مطرح ف عمان قالوا له بتحصل هناك … وتعنى وسار بس مالقى شي من الزين … كلهن مايسون ..
لأنه يدور اعتقد نفس النوعيه اللي تدورونها يعني العصا لو دقتها الشمس تحصلها بروحها تزيت ولو تعويها ماتنكسـر …
فياليت لو حد من الأخوان يعرف يخبرنا عشان يستفيد الكل
والشكر موصول للجميع
السلام عليكم اخوي
انا مثلك حاولت التواصل مع صاحب الموضوع السابق والهاتف مغلق من فترة طويلة
فانا اضم صوتي لصوتك