يا جماعة انا اريد سيارة مستعملة فخمة ما تتعدى ال 200,000 درهم. و انا اريد اشاوركم شو هي السيارة اللي بتكون زينة؟
انا ما عندي مشكلة تكون صالون ولا فور ويل. بس ما اريد سبورت انا متزوج و عندي ولد و السبورت ما ينفعني.
شرط تكون 2007 أو ايدد.
على فكرة حاليا اسوق FJ 2009 و لكزس LS430 2001 .
شكرا جزيلا مقدما,
بو علي
اخوي انا برمسك بصراحه ..
انا ريال ما افهم وايد بسوالف السيايير ..
لكن انا عن نفسي ما اشوف سياره احسن عن الاستيشن واللكزس وخاصه الاستيشن ..
فالخليج بكبره ..
1- الاستيشن بييك قوي ويوم بتيعه ما بتخسر ببيعته وايد شرات السيايير الثانيه
2- الاستيشن فخم وبينفعك لو بتطلع فيه ووياك عائله وما بتحس او بيحسون بضيق فيها شرات السيايير الصغيره الثانيه
3- اذا كنت تحب تروح البر او شي بينفعك اكثر من السيايير الثانيه
4- اذا اخترب عليك شي بتلاقي السامان فكل مكان مب شرات السيايير الثانيه
5- حتى اذا كنت تسافر بالبر بينفعك
هذي وجهة نظري البسيطه في عالم السيايير
واذا بغيت اي سياره اطلبها وان شاء الله الاخوان ما بيقصرون وبيساعدونك
وانته بتحصل اللي تبغيه فالمنتدى وانته ع راحتك الشيخ
وموفق بأذن الله ^_^
أي سنة البليتة؟ شو مواصفاتها؟ وين موجودة؟
السلام عليكم ورحمة الله وبركاته
موجود استيشن 2009 اللون اسود
ب 170 الف vx.r
رقم 2 على 1
مدعوم ومصلح تصليح مضبوط
وعلى الضمان السياره ماشيه 33 الف
شباب من متى الاستيشن فخمـ ,,
عليك بـ انفنتي fx وتوكل على الله
سامحني اخوية بس السيارة حجزنها واحد من الشباب.