السلام عليكم ورحمة الله وبركاته..ومبارك عليكم الشهر…
ياليت حد منكم يدلني على سكن مناسب ويكون قريب من شارع الامارات لأن دوامي ف منطقة العوير (دبي)..حاب اسكن في بيت صغير غرفتين وصالة، او شقة غرفتين وصالة في شارع الإمارات، او الطرفانة او صوب معسكر الفلاح يعني تكون المنطقة قريبة من دبي قدر الإمكان، والايجار في كل الأحوال مايتعدى الـ 25 الف درهم سنويا… واذا حد يعرف ناس عندهم ملحق غرفتين وصالة وله باب منفصل عن بيتهم الأصلي ويبغون يأجرون ملحقهم ياليت تخبروني وطبعا اهم شي يكون البيت قريب من شارع الامارات..والحمدلله احنا اسرة محافظة وصغيرة (زوج+زوجة+ولد صغير عمره شهور)..ياليت القى هالسكن قبل شهر فبراير 2007، ورح ادعيلكم من قلبي لأني متغربل في زحمة شارع الاتحاد كل يوم وانا ساير وراد من الدوام.. انتظر منكم الأخبار الطيبة…
جزاكم الله خير على ردودكم يالطيبين.. والله يوفق الجميع..
البديل بارك الله فيك هو أنك تبحث عن طرق بديلة بدلاً من شارع الاتحاد
البديل المناسب لك بحكم عملك في منطقة العوير بدبي هو استخدام طريق دبي العابر، فهو مع بعد مسافته لكنه يقتصر لك الزمن بشكل كبير.
وفقك الله لكل خير.
بالتوفيــــــــــــــــــــــــــــــــــــــ ـــق
الله يوفقك .. الصراحه ما اعرف .. بس اللي اقدر اسويه اني ادعيلك … انشاء الله تتوفق .. و تحصل بيت و تستقر …