السلام عليكم ورحمة الله وبركاته
حبيت أنزل لكم بعض من أطباقي اللي نفذتها أتمنى إنها تنال إعجابكم 
ملاحظة: بعض الأصناف تعلمتها عن طريق بحثي في الأنتر نت والبعض من كتب الطبخ وبعضها من تخبيصاتي وتجاربي في المطبخ 
اليوم بنزل بعضها وإذا لقيت إقبال وتفاعل و( تشجيع)وعيبكم طباخي بنزل الباقي .
نبدأ بالشوربات
الشوربة البحرية
المقادير :
عدد خمس حبات قبقب ( سرطان البحر)
عدد 3 حبات أم الربيان
عدد حبتين نغر (حبار)
عدد عشرين حبة ربيان مقشر ومسلوق
نص كاس طحين
2زبدة حجم 10 جرام + ملعقة زيت
بصلتان متوسطتان
ملح + بهار أبيض
ملعقة كاتشب ( لكسر اللون الأبيض ) يمكن الإستغناء عنه
ملعقة صويا صوص ( يمكن الإستغناء عنه )
الطريقة :
ننظف النغر ونظيف عليه شوية ملح وخل ونخليه كم دقيقة وعقب
نغسله (عشان تخوز منه الزفرة ) نقطعه مكعبات صغيرة .
نقشر الربيان ونشيل منه الخيط الأسود اللي في الظهر , وعقب نحط عليه شوية خل وملح وعقب نغسله
ونحطه فجدر ونغمره بالماي ونخليه يغلي مرة وحدة نشيل الرغوة من فوق ونحط عليه بهارات السلق أنا أحط
( شوية مسمار, شوية هيل , ورق غار , بصلة صغيرة مقطعة وأعواد بقدونس )
بهارات السلق اللي أستعملها:
نغسل القباقب وأم الربيان وننظفه جيداً ونصب عليه ماي كافي ونسلقه كل واحد بروحه ونظيف عليه
بهارات السلق المذكورة أعلاه حتى يتغير اللون إلى اللون البرتقالي .
نقوم بتنظيفه وتقشيره ونجهزه للإستخدام .
ملاحظة عملية التنظيف مهمة جدا لانه لو ما تنظفت البحريات عدل بتكون الشوربة طعمها غير مرغوب.
نحط الزبدة وملعقة الزيت في جدر مناسب ونضيف عليه الطحين ونقلبه لين تطلع منه ريحة زكية ويشقر
الطحين اشوي وعقب ناخذ 3 أكواب ماي ونصبه فوقه بحذر ونخلطه بواسطة مضرب البالون لين يذوب الطحين
وتختفي كل الكتل اللي في الخلطة ( في حال عدم إختفاء الكتل نحط الخلطة في الخلاط لين يتجانس
الخليط) ونرجعه للجدر مرة ثانية .
نضيف النغر اول شي لأنه ما سلقناه ( لاحظت إن النغر إذا إنسلق يصير يابس وما ينمضغ بسهولة ) ونخلي الخليط يطبخ مع
التحريك عشان ما يلصق في قاع الجدر وعقب نضيف بقية البحريات ونحرك .
نضيف البصل المفروم ناعم ( أنا احب أكثر من البصل في الطبخة يعطيها طعم مميز)
نضيف الفلفل الأبيض والملح .
أخر شي نضيف الكريمة للطبخة ونخليها تغلي شوي .
في حال الرغبة في كسر اللون الابيض نحط ملعقة كاتشب .
أنتهت الطبخة
وهذا شكلها النهائي
أنصحكم تجربونها هي صعبة اشوي لان تنظيف البحريات ياخذ وقت لكنها وااااااااايد لذيذة يم يم يم 
وعليكم بالعافية .
شوربة الفريك بالخضار والربيان
هالشوربة كنت أسويها دايما بالخضار لكني يوم ضفت عليها الربيان طلعت لذيذة أكثر وهي من( تجاربي )
المقادير :
نص كاس فريك مغسول ومنقوع فماي ( ننقعة ساعة تقريبا)
نص كاس ربيان مقشر ومقطع قطع صغيرة ومسلوق
جزرة متوسطة
بطاطة صغيرة
بصلة متوسطة
فليفلة صغيرة
طماطة متوسطة
ملعقة نشا مذوب فشوية ماي (لتغليظ القوام)
ملح + ببهارات
يمكن إضافة الخضار حسب رغبتكم)
الطريقة :
يوضع الفريك في 3 كاسات ماء (بعد غسله ونقعه لمدة تقريبا ساعة )
نضعه على النار حتى ينضج الفريك ثم نظيف الخضار المقطعة مكعبات صغيرة ( الجزر + البطاطا ثم باقي الخضار ونترك الخليط ينضج .
نظيف الربيان المسلوق للخليط.
نظيف الملح والبهارات .( أنا أفضل الفلفل الأسود بروحه من غير بهارات أخرى) انتوا حسب رغبتكم
نضيف النشا المذوب في الماء ونحرك الخليط حتى يصبح متماسك القوام قليلاً ( يمكن الإستغناء عن النشا , أنا ضفته عشان يصير غليظ اشوي)
نتركه يغلي ونطفي النار .
طريقة أخرى لنفس الشوربة :
نحمس البصل في قليل من الزيت ونضيف عليه ملعقة صغيرة فلفل أسود ثم نضيف باقي الخضار ونحمسه.
نضيف الماء والفريك ونخليه يطبخ جيداً لين تلين الخضار والفريك.
(في حال الرغبة يمكن إضافة مرقة دجاج بس انا ما أحب أستخدمه)
اللي يميز هالشوربة هو طعم الفريك يم يم يم
شوربة الهريس
المقادير:
كاس هريس
ماء حسب الحاجة
ملح
صدر دجاجة أو نصف دجاجة
عدد 2 زبدة زنة 10 جرام لكل واحدة
الطريقة:
يغسل حب الهريس وينقع في ماء من المغرب .
يغمر الهريس بالماء في قدر ويوضع عليه صدر الدجاج بعد غسله وتنظيفه ويوضع على نار هادئة لمدة ساعتين تقريبا مع ملاحظة الطبخة والتقليب بين فترة وأخرى .
يجب ازالة الرغوة المتكونة من الطبخة كلما ظهرت .
عندما ينضج الهريس جيدا يضرب بواسطة مضرب حتى يصبح ليناً يضاف إليه الماء إلى ان نصل للقوام المطلوب للشوربة .
يترك على النار حتى الغليان يوضع الملح وفي النهاية يتم إضافة أصابع الزبدة لإعطاءها النكهة المميزة .
نكتفي بهذا القدر الحين إذا عيبكم خبروني عشان أحط الباقي
تقبلوا تحياتي
يالله نكمل
اللي ما يحبون السمج بيكرهوني http://www.satfrequencies.com/invest/images/uploads/658220c29f.gif
مجبوس السمك
المقادير:
http://www.satfrequencies.com/invest/images/uploads/3a1e586a0d.jpg
قطع من السمك
كاسين رز
2 طماطم مقطعة مكعبات
2 يصل متوسطة الحجم مقطع مكعبات
فليفلة باردة مقطعة مكعبات
ملعقتين كزبرة خضراء مفرومة ناعم
ملعقة ثوم مهروس
ملح+ بهارات + 2 لومي أسود+ زيت
الطريقة:
http://www.satfrequencies.com/invest/images/uploads/7e6c24dc3c.jpg
ينظف السمك ويدعك بقليل من الخل والملح لإزالة الزفرة منها , ثم يغسل جيدا ثم يتبل بالملح والبهار ويقلب في الطحين ويقلى في زيت عميق .
يحمر البصل في قليل من الزيت ثم يضاف إليه الثوم والبهارات .
نضيف الطماطم المفقطعة والفلفل البارد ونحرك الخلطة في الجدر ونغطيه قليلاً نضيف الليمون الأسود وكاسين ماء ونغطي الجدر إلى أن يغلي ثم نضيف الكزبرة الخضراء .
نسقط السمك اللي قليناه في الخلطة اللي سويناها ونترك الخليط على النار شوي
نضيف العيش المغسول والمنقوع قبله بنص ساعة .
نشوف إذا يحتاج ماي نظيف عليه تقريبا 2 سم فوق العيش ونخليه لين يتشرب كل الماي اللي فيه .
وعليكم بالعافية.
مقادير الحشوة:
http://www.satfrequencies.com/invest/images/uploads/f5a7978c07.jpg
ربع كيلو ربيان مسلوق
نغر صغير مقطع مكعبات
نص كاس نخي مطبوخ
نص كاس بصل
3 فصوص ثوم
ربع كاس ربيب حامض ( يمكن الحصول عليه في المحلات الإيرانية لونه وردي وطعمه وايد حامض)
ملعقة كزبرة مفرومة ناعم
ملح وبهارات
http://www.satfrequencies.com/invest/images/uploads/0a0d42d148.jpg
الطريقة:
نحمس البصل في الزيت ونضيف عليه الثوم وثم نضيف النغر ونقلبه اشوي نضيف البهارات ثم نضيف عليه الربيان المسلوق ولزبيب والنخي نتركه يطبخ قليلاً وآخر شي نضيف الكزبرة .
نغرف العيش فطبق ونضيف عليه الخلطة اللي سويناها ونضع في طبق جانبي بقية الخلطة لمن يرغب في الزيادة
http://www.satfrequencies.com/invest/images/uploads/9d28d6e396.jpg
وبالعافية
مطبق الربيان
http://www.satfrequencies.com/invest/images/uploads/46d9681603.jpg
المقادير
كيلو ربيان منظف
2 كاس عيش مغسول ومنقوع قبل بنص ساعة
بطاطة متوسطة مقطعة مكعبات
بصلتين متوسطات
ملعقة ثوم مدقوق ناعم
فليفلة باردة مقطعة
حبتين طماطم مقطعات مكعبات
ملعقتين كزبرة خضرة مفرومة
ملح+ بهار+ زيت
http://www.satfrequencies.com/invest/images/uploads/7c74329821.jpg
الطريقة
ننظف الربيان ونشيل الخيط الأسود اللي موجود في ظهره ونسلقه
في ما ونضيف عليه بهارات السلق ما نخليه يطبخ وايد عشان ما يستوي الربيان يابس .(الهدف من السلق عشان نخوز ريحة الزفر وممكن ما نسلقه ننقعه فشوية خل ونغسله على طول)
قبل وبعد السلق:
http://www.satfrequencies.com/invest/images/uploads/6a80c15171.jpghttp://www.satfrequencies.com/invest/images/uploads/ba6e9b0a52.jpg
نحمس البصل والثوم في ملعقتين من الزيت ونضيف البطاط أول شي عشان ينظج نحمس ونضيف البهارات ثم نضيف الربيان المسلوق ونحمسه اشوي .
http://www.satfrequencies.com/invest/images/uploads/87524e91a1.jpg
نضيف قطق الطماطم والفليفلة والليمون الأسود نسكر الجدر ونخليه على نار هادية اشوي
نضيف الملح ثم أخر شي الكزبرة الخضراء المفرومة .
في هالأثناء نكون سلقنا العيش وشخلناه نييب نص الخلطة نحطها في الجدر مال العيش ونضيف عليه نص كمية العيش وعقب نحط باقي الخلطة ونضيف عليه باقي العيش.
نحط الجدر داخل فرن حار او على نار خفيفة جدا لمدة 15 إلى 20 دقيقة.
http://www.satfrequencies.com/invest/images/uploads/d78517ee6f.jpg
صافي مقلي ويا العيش المشخول
المقادير
سمك صافي الكمية حسب الرغبة
كاسين عيش أو حسب الكمية المرغوبة
بطاطة متوسطة الحجم
الطريقة
http://www.satfrequencies.com/invest/images/uploads/cca88a7cba.jpg
ننظف السمك جيدا ونشيل الزعانف ونقص الذيل نضيف عليه قليل من الخل وندعكه (لإزالة الزفرة) ونخليه كم دقيقة ونغسله على طول.
نملح السمك ونبهره بالبهارات اللي نفضلها.
نغطي السمك بالطحين أستعداداً للقلي.
http://www.satfrequencies.com/invest/images/uploads/78e7c7002b.jpg
نقلي السمك في زيت ساخن ونحطه على ورق ماص لإمتصاص الزيت الزائد منه.
http://www.satfrequencies.com/invest/images/uploads/7ea91043cb.jpg
في هالأثناء نطبخ العيش ونشخله , فنفس جدر العيش نحط ملعقتين من الزيت ونضيف قطع البطاطس ونخليها تتحمر اشوي وعقب غذا في زيت وايد تحت في الجدر نشيله , نصب العيش عالبطاطس ونغطي الجدر ونحطه على نار هادية لمدة عشر دقايق أو ربع ساعة .
http://www.satfrequencies.com/invest/images/uploads/a401eeb5f4.jpghttp://www.satfrequencies.com/invest/images/uploads/9a042789cc.jpg
وبالعافية .
ماشاء الله عليج
يعطيج العافيه
والاكل البحري بكل انواعه لذيذ ومفيد
صح كلامك الاكل البحري يم يم يم :ajeeb1:
الله يعافيك ويحفظك خيو
شكرا لك تقبل تحياتي
السلام عليكم ورحمة الله وبركاته
ما شاء الله عليج خيتووو
يعطيج الف عافيه
وتسلم دياتك على هالشوربات الطيبات ،،،
بس للاسف انا ما احب السي فوووود
بس بعطي خواتي هالوصفات يموتن في السي فووود
وانا بنتظر وصفاتج الباقيه،،،
http://img48.imageshack.us/img48/7492/essenaq7.gif (http://imageshack.us)
وبالعافيه على قلبج يا غلاهم
مع كل الود
اختكم
سهمي عالي
وعليكم السلام ورحمة الله وبركاته
ولك الله يسلمك عالكلام الحلو
إتمنى الأكلات الياية تعيبج
شكرا لج خيتو أسعدني مرورج
تحياتي لج
توك تقول الهوم ميد أحلى مليون مرة شو تبا في الدليفري؟! :eamaar:
:habeet:
اشجع الصناعه الوطنيه :ajeeb1:[/QUOTE]
:sahem1: :sahem1: تحيا الصناعة الوطنية
:loojst:
مبين عليها لذيذه
مشكوره اختي
يا هلا ومرحبا بالحور نورتي الموضوع
هيه واااااايد لذيذة
العفو خيتو
شكرا على مشاركتج :habeet:
ماشاء الله عليج تعرفين تطبخين
انا ما ادل مطبخنا
بس شقا سويتي هاييل
http://www.satfrequencies.com/invest/images/uploads/6b7315ea08.jpg
مستحيل اتم وياهم في نفس المكان
يوم اشوفهم في الجمعيه اشرد الصوب الثاني و الا اوقف بعيد لين الاهل يخلصون
لا شكل و لا طعم مادري شقا الناس يعيبهم
ما أعرف يمكن لأني أحب اطبخ واجرب هي بصراحة تنظيفها شوية صعب لكنها لذيذة يم يم يم
يا مامي أشكالها تزيغhttp://www.satfrequencies.com/invest/images/uploads/31c5de8f58.gif
أمي تخاف منهم خخخخ :sahem2:
بس أنا ما اخاف منهم http://www.satfrequencies.com/invest/images/uploads/eae1c3d002.gif
شكرا على مرورج خيتو :loojst:
تسلم الايادي عيون اليأس
راح أجرب الشوربه البحريه
يم يم يمي
الله يسلمج ويحفظج يا أم الجود
جربيها وإن شاء الله تضبط وياج وبالعافية
تحياتي لج خيتو
الشكل ماعليه كلام اما الطعم فمااعرف اذا بيجيسني تسمم ولالا هههههههههههههههههههههههههههههههههههههههههههه
سوالف
مشروع
للأسف الشديد مااكل اكلات البحريه ..
بس شوربه الهريس شكله يمي يمي
http://www.satfrequencies.com/invest/images/uploads/534774b611.gifالحين منو اللي ما تاكل أكلات بحرية حصة ولا عذاري ؟؟
ولا يهمج http://www.satfrequencies.com/invest/images/uploads/c533c50548.gif أقصد ولا يهمكم المرة الياية إن شاء الله بسوي أكلات ثانية غير http://www.satfrequencies.com/invest/images/uploads/df00eaf312.gif
شكرا لكم نورتوا الموضوع
:habeet:
عيــــــــــــــــون اليأس ,,..
تسلم ايدج وماشي أحلى وألذ عن طبخ البيت .. ,,
..
الشموخ
الله يسلمج ويحفظج خيتو
أكيد ما شي ألذ وأحلى عن طبخ البيت :sahem1:
شكرا على مرورج الحلو نورتي الموضوع
تحياتي
تسلمين اختي عيوووون الياس على الاكلات
بن شاهين
الله يسلمك ويحفظك
أسعدني مرورك شكرا لك
تحياتي لك
شي حلو الظاهر متخصصه بالشوربه بس
نتريا بعد الوجبات الدسمه والسلطااااااااااااااااااات أهم شي
لا مب متخصصة ولا شي أي طبخة تعيبني أطبقها لكن أنا حبيت أنزل الشوربة قبل والباقي بنزله اليوم إن شاء الله , أما السلطات ما عندي شي مصور حاليا إن شاء الله لو جهزت شي بصوره وبحطه.
شكرا لك على مرورك أخي الكريم :habeet:
يا سلام عليج…شيف ماهرة…
يعت..ابا شوربة سي فووووووووووود..
:loojst:
ولا يهمك يوم بفتح مطعم برسلك جدر شوربة سي فود دعاية
شكرا لك أخي الكريم
ادري انه الهوم ميد حلو … .. بس ^_^ عباله .. وقد مره سوينا شوربة القباقيب .. وبس يد القباقيب .. والباقي .. شويناه ^__________^ اسمينا غيلنا
عاد يا عيون اليأس اذا بطعمينا من ايدج ^_______________^ ما بطلب من مطعم الجاينيز …
ولا يهمج أبشري:sahem1:
:habeet:
تسلم الايادي عيون اليأس
راح أجرب الشوربه البحريه
يم يم يمي