مرحبا اخواني
ودي بمشورتكم
بشتري سيارة ومحتار بين
لاند كروزر فل اوبشن 2010
نيسان باترول فل اوبشن 2010 الشكل الجديد
شو رايكم فالسيارتين ، شو الافضل
يا ريت تفيدوني فالموضوع
من حيث الاستخدام والراحة والصيانة وقطع الغيار
تحياتي للجميع
لا تفكر ولا تحتار … غير تويوتا لا تختار
جزاكم الله خير اخواني على الردود
بصراحة النيسان عاجبي شكله فخم بس بعده جديد،،
والاستيشن له سمعة طيبه…
حد عنده فكره كيف تعامل المسعود؟؟؟
واايد شباب يمدحون النيسان الجديد …
يقولون هادي في الخط واريح
لو انا بدالك النيسان الجديد
اول شي مواصفات وقوة اكثر
ثاني شي شكل جديد وتوه نازل وله هيبة وفخامة
ثالث شي تجييكاتهم اسرع واحسن والبدي اقوى واثبت
انا بصراحة انصحك بالنيسان اليديد
ربيعي ماخذ بس مب رقم واحد
والله انه غير النيسان القديم
وسيع وفخم وعريض… ومواصفات عجيبة
أما الاستيشن عاد من أشوف هالطبلون الأسود أتشاءم
لا تفكر ولا تحتار … غير تويوتا لا تختار