السلام عليكم والرحمة وبركاتةاخواني انا ناوية اشتري سياره وبعد التلفف بين المعارضدخلت بخاطري اللكزس ls460 شنو رهيبه..وحصلتها من البريمي موديل 2009 305 الف درهم بعد ما تفاوضت ونشف ريجي مع الهنديوكنت مستانسة لان البنك عادي بيمولها لي..بس طلعت لي مشكله وهدت الاحلام الوردية لان اصلا عندي قرض شخصي والسيارة بتكون فوق اللمت وفوق نص الراتب وجان اصيييحالمهم بعد ما خلصت الزعل والقهر..رديت لفيت..وربيعتي نصحتني اخذ لي نيسان -باثفندر موديل 2010 بيكون تمويل على 3 سنوات..وبدفع وانا جدا مرتاحهسعر الفل اوبشن 143 الف درهم..قالت لي اولا نيسان واثنين فل اوبشن فيها كل التكنلوجيا ( جلد,فتحه,نفيجيشن,ديفيدي,سيدي,سماعة بلوتوث,في ناس بينصحوني بالاستيشن GXR V6 عسب تكون ارخص..بس مافيها شي لا نفجيشن ولا ديفيدي ولا بلوتوث ولا مفتاح التحكم عن بعد ولا اي مواصفات غير انها استيشن وغاليه سعرها بحدود 186 الف من البريميفانتوا تنصحوني اخذ الباثفندر؟؟ واذا لا شنو تنصحوني؟وهل تنفع للخطوط؟؟ مالي خص في البرور..بس اذا نصحتوني فيها بدخلها اجربهابس اهم شي قويه للخطوط ؟؟والسموحه طولت عليكماختكم
9 thoughts on “مشورتكم في السيارة اليديده..ضروري”
Comments are closed.
نصيح إحنا في شهر 11 أنتظري 4 شهور بس وشوفي بتنزل أسعار السيارات موديل 2009 لان الوكالات عندهم أستوك وااااااااااااااااااااااااااااااااايد وخصوصا السيارات الأمريكيه يايه دفعه كبيره من موديلات 2009 وبتوصل بعد تقريبا شهر والوكالات مبتلشيين
أنصحج فيه أكثر
وبعد 4 شهور بينزل الملك النيسان اليديد
بالنسبة للباثفندر سياره هجينه امريكيه يابانيه ولايغرج الجلد أمحق جلد لان الجلد جلد الماني والسياره من دخل ماتسر لرداءة المواد ،
تمهلي وبتفرحين
شووو ياااب اللكزس للباتفندر ..
لو تبين سياره فخامه والقيمه فيها ..
خذيلج لكزس 430 عندج وايد وايد حلوو ولكزس الصغير 300 حلو وعملي ورخيص ^^
او عندج الافلووون ^^ سعرها تقريبا 125 وفيها كل المواصفات الى تبينها ^^
ويوم بتين تبيعين سعرها فيها ^^
^_^
والله يوفقج يالغلا
كل هذا بـ2000 أحس أني في تايلند مع ان عمري مازرتها
__________________
بالتوفيق اختي
في حالة الاستعمال وما يهمج سعر البيع الباتفندر حلوو وشكلها مناسب ومواصفاتها احسن من الاستيشن الجي اكس ار وفي حالة انج مستخدمه زمن بسيط وعقب تبيعين ابرك الاستيشن والحين الاسيتشن والبذات الجي اكس ار مب ذاك الوزد والطلب على الفي اكس ار او الفي 8
والنيسان حلو وعملي
والله يوفقج بما فيه خير اختي
اكيد اللكزس ملك الشارع ولو طلبتيه بدون جامبينات هايدروليك والرادار الي جدام بيطلعلج ب 288 الف درهم
اما عن الباثفايندر كل ربعي الي خذوه قالوا الquality من داخل تعبان وايد . . الستيشن فنان خذنا واحد للبيت بس الفل اوبشن 8 سلندر غالية شويه . . . ولكن فيه عندج البرادو وايد حلوه وحتى لو خذتيها بدون شاشه وكاميرا خلفيه . . تراج تقدرين تركبين عليها كل شئ نفس الوكاله (كاميرا خلفيه + شاشه + نافيجيشن + ديفيدي + فلاش ميموري port + شاشه في السقف + جلد) ب 2000 درهم
والله اعلم
بالتوفيج