مرحبا بي رواد المنتدي

انا حاب افتح مشروع وهو شركة دعايه واعلان بس للاسف ما عندي خبره في أستخراج اوراق الرخصه و بالاخص ناقصتني بعض المعلومات عن هذا المشروع
وبصراحه انا حاب استفيد من اي شخص عنده معلومه ولو بسيطه عن الدعايه والاعلان وعلي فكره تشجيعكم يهمني
ولكم الف شكر:075:

5 thoughts on “مشروع جديد”

  1. اخوي تريدنق ياريت تعطينا فكره عن مشروعك وطبيعة عملك علما بأني من خارج الامارات يعني ان شاء الله مافي منافسة بالشغل بس اذا الفكره حلوه ودي اطبقها ببلادي:)

    مودتي لك

  3. في دبي رسومهم غير والله ما ادري عن رسومهم كيف
    اهم شي يكون عندك المصمم وتثق فيه
    والمكتب يحتاج كمبيوترات عاليه عسب البرامج اللي تحتاجها ومكاتب
    ويكون عندك مندوبين تسويق
    واهم من هذا كله يكون عندك اسلوب دعائي متميز خاصه في دبي
    وانا انصحك انك تشتري مسجات دعائيه ويكون عندك هالخدمه
    واي شي تريده انا حاضر
    والسمووووووووووحه

  4. هلا وسهلا أخوي trading_line

    اشكرك علي تجاوبك معي وعلي معلوماتك الطيبه بس علي فكره انا حاب افتح في دبي فأظن انه سعر الموافقات والرخص تختلف والله اعلم

    واشكرك علي ثقتك فيني بس اخوي بصراحه انا تعبت من المشاركه وحاب ادير المشروع بنفسي

    وانشاءالله تتبارك في مشروعك ونتمني نتعاون في المستقبل

    واذا ما عندك مانع تزيدني بالمعلومات الفنيه للمشروع وأحتياجات المكتب من برامج واجهزه

    وشكلي تعبتك وياي

    واتمني بلقاء جديد

  5. لازم اول شي موافقة وزارة الاعلام
    بعدين من البلديه
    واذا تريد انا فتحت مكتب جديد في العين اذا حاب تدش في نسبه او تشاركني ما عندي مانع والخير بيتوزع
    انا فتحت مكتب دعايه واعلانات وتصميم مواقع انترنت
    المكتب عندي توه جديد ويالس اسوي الديكور لين ما تطلع موافقة الاعلام
    بالنسبه للعين وابوظبي
    رسوم الاعلان والدعايه 12500 درهم
    رسوم خدمات انترنت لين ما تحددت بس توقع تعهد انك المبلغ اول ما يتم الموافقه على تحديد رسومها من المجلس التنفيذي
    واي شي انا حاضر
    اسم الشركه
    سما للدعايه والتصميم
    والسموحه على الاطاله

Comments are closed.