السلام عليكم ورحمه الله
شحالكم شخباركم ان شالله طيبين
اممم الله يسلمكم من بعد موضوع التمويل .. يات طلبات كثيره وكلها بافكار حلوه
وغير التمويل في مشاريع يات تطلب دراسات او ارشادات والكثير منها متميز وبعضها حصري
لكن للاسف اكثر هالمشاريع ماتشوف النور .. والسبب ان البعض يبي مشروعه عنده او يبي ربحه له او يخاف من سرقه الفكره
اخواني ترى سرقه الفكره يعتبر دعايه لها لان يزيد من مصداقيتها وشهرتها عن طريق المنافسين
المهم الافكار اللي ياتني في الكثير منها يقدرون يتعاملون مع بعض ويطلعون بمشاريع ممتازه وارباح عاليه ورؤوس اموال صغيره .. بس ينقصكم التعاون مع بعض
اخواني ياليت كل شخص عنده فكره حلوه او متميزه يكتبها على العام ترى الكثير بيستفيدون من التعاون مع بعض
فانصحكم لاتخلون افكاركم حبيسه الادراج طلعوها وناقشوا الناس فيها … لان ماشالله عليكم انبهرت بمشاريع الكثير منكم فيها تميز وتفكير صحيح وترتيب
الله يوفقكم اخواني وياليت نشوف مشاركاتكم هني اكثر بعد سواء اللي راسلوني او ماراسلوني
لان ترى بيكون في الكثير يفكرون مثلك ويقدرون يكملون مشروعك .. يعني تكملون بعض تجاريا
وبالتوفيق ان شالله للجميع
مشرفتنا قوافي .. لج كل الشكر على متابعتج الطيبه
وعلى كلامج الطيب وماقصرتي اختي
وان شالله دووم نحاول ان تكون مواضيعنا مفيده لكل سواء اللي يشاركون فيها او يقرونها
تسلمين اختي قوافي على تعليقج وتشجيعج … الله يجزيك كل خير اختي
ويعطيج الف عافيه وبالتوفيق ان شالله اختي قوافي
__________________
عليكم السلام ورحمه الله
اخوي تسلم على كلامك الطيب ومتابعتك الدايمه ..
الله يسمع منك ان شالله ان نكون كلنا مع الشهداء والصديقين في الجنه ان شالله
اخوي الكريم تسلم صراحه وماقصرت على هالكلام الطيب وهالتشجيع الله يجزيك الف خير ان شالله
وبالتوفيق ان شالله اخوي
__________________