مشاريع تجاريه مربحه بدون راس مال

121 thoughts on “مشاريع تجاريه مربحه بدون راس مال”

1. مبدع ما شاء الله عليكم
   انا عندي استفسار بخصوص المشروع الاول
   1)ماهي شركت الاعلان
   2)كيف حجز الرقم من الاتصال
   وكيف اعرف عدد المسجات التي وصلت على المسابقه
   وكم سعر المسج الواحد

   تحياتي
   بو احمد

   مرحبا اخوي ابو احمد وتسلم الله يسلمك والابداع منكم ماشالله على جميع الاعضاء وابداعهم في تفكيرهم التجاري في كل المشاريع وكلنا ان شالله نحاول نوصل لشي كلنا نستفيد منه

   بخصوص اسئلتك الله يسلمك

   شركة الاعلان مثل ماقلت من شوي ان تلقاها بالبحث وبتلقاها ان شالله لكن انصح ان تكون شركه جديده والشركه اللي اتعامل معاها من البحرين ومتاكد ان في غيرها اهم شي ان تكون عندك فكره ناجحه ومدرسه وتعرف تسوقها صح بتشوف ان شالله الاقبال من الشركات الاعلانيه بس في حال مالقيت نفس ماقلت تكلف عمرك شوي باعلان بنفسك

   وشركات الاعلان عموما ماراح تدفع اعلان غالي وبتكاليف كثيره على اساس النسبه لو شكان المشروع لان بعد بتخاف على روحها فحاول ان تكون اعلانتك ماتكلف وايد وتكون تعرف وين تبيها عشان يكون الموضوع بالنسبه لهم جاهز ويستاهل الدخول فيه …

   طريقة حجز الرقم من الاتصالات : ان الله يسلمك تكلم شركه من شركات القيمه المضافه والوصل لهم سهل تقدر تدخل على موقع هيئة تنظيم الاتصالات وتشوف اساميهم كلهم وتكلمهم نفس ماسويت انا او تشوف الشركات اللي تقدم هالخدمات وكلمهم مثل شركة كول العالميه

   وتقدر تعرف المسجات اللي وصلوا انك تتابع مع الشركه وتشوف المسجات ويعطونك لسته يوميه بكل المسجات اللي وصلوا وهذا شي اساسي لاتخليهم يتحكمون بالموضوع وبعدين يقولون لك ماوصل شي لازم من توقع معاهم يكون هالبند واضح

   سعر المسج الله يسلمك يكون عاده خمس دراهم نصها تاخذها الشركه الام اللي هي اتصالات بالامارات ونصها الثاني اللي تاخذها انت وتوزع النسب منها

   ان شالله اكون وضحت لك الصوره ولأي استفسار اسال ولا يهمك

   وبالتوفيق ان شالله

2. السلام عليكم

   رك انا حاضر وعلى اوسع لو حبيت

   اخوي نايف بخصوص الموضوع الاول تبا نتشارك انا حاضر وعلى اوسع لو حبيت

   اما بخصوص الموضوع الثاني انا اشتغلت فيه وفكرت مثل ما انت فكرت لكن صدقني ما نفع

   والسموحه

   مرحبا اخوي مستثمر ظبياني

   تسلم بالبدايه على مرورك وتعليقك وماشالله عليك عندك حماس للمشروع الاول

   وتجربه للمشروع الثاني … طلعت نفس مااقول عنك ان عندك خبرات تجارب ممتازه في الاعمال

   بخصوص الاول اخوي ولا يهمك اذا تبي اشتغل معاك افاا عليك قول لي شنو في بالك ونرتب ان شالله

   وبخصوص الثاني تراه صحيح في ناس وايد جربوه ومانفع معاهم لكن في واحد انا اعرفه جربه ونجح معاه لان اهم شي يعتمد على طريقة التسويق ونوع السيارات المستهدفه بعد يعني شوي ترتيب ينجح ان شالله والاساس ان تعرف شلون تختار الزبائن اللي تبيهم مو تقبل الخدمه لأي احد وبنشرح الموضوع اكثر بعدين في الية تسويق المشروع لان اخونا كاشخ شرح طريقة عمل المشروع خلاص

   فماباقي الا تسويقه 🙂

   وان شالله بعد بعرض مشاريع ثانيه برؤوس اموال قليله او بدون ومنها المجربه عشان تعم الفايده باكثر من مشروع ويقدرون ان شالله الاخوات والاخوان من الاعضاء ان يسوونهم حتى لو بروحهم المهم ان يستفيدون ان شالله

   وبالتووووفيق لك وللجميع ان شالله ونتمنى ان تفدينا اكثر بخبراتك الكبيره اخوي مستثمر ظبياني

3. خوي نايف انا عندي فكره عن ها المشاريع وعن كيفية العمل بها بس سالتك سوال اذا ممكن انك تدلني على شركة اعلانات توافق بالنسبة لانها جريده الاتحاد والوسيط ما يعطون بالسبة ولا التلفزيون ولا الراديو

4. خوي نايف انا عندي فكره عن ها المشاريع وعن كيفية العمل بها بس سالتك سوال اذا ممكن انك تدلني على شركة اعلانات بالنسبة لانها جريده الاتحاد والوسيط ما يعطون بالسبة ولا التلفزيون ولا الراديو

5. السلاااام عليكم
   الأخ المبدع نـــايــف .. مشكور فديتك على أفكارك ومشاريعك الخارقه :^27:

   المشروع الأول: فعلآ رائع ويستحق عناء التجربه :efsf7:
   لكن عندي استفسار ؟؟ لو بغيت أنفذ المشروع .. كيف بوصل لشركات القيمه المضافه وشركات الإعلان ( ماعرف حد يشتغل هالشغله ) .. يعني نبا منك دعم معلومات :wegr4:

   وبالنسبه للمشروع الثاني : أيضآ رائع كفكره .. وأتصور ان الخطه هي : انك تجمع أكبر عدد من المشتركين وكل مشترك يدفع باليوم 1 درهم حتى لو ما احتاج المساعده
   يعني !! : لو مثلآ صار عندك من خلال الإعلانات 2000 مشترك .. صار دخلك اليومي 2000 درهم يعني شهريآ 60000 درهم ..
   والمصاريف هي : اجار المكتب وراتب الموظف وتكاليف خدمة المشتركين .. وعلى فرض انه كل يوم واحد من هالألفين مشترك بيستوي عنده مشكله ..
   يعني المصاريف اليوميه كالتالي :
   150 درهم يوميآ اجار المكتب ( على فرض انه الاجار السنوي 60000 تقريبآ )
   160 درهم يوميآ راتب الموظف ( على فرض ان راتب الموظف 5000 شهريآ )
   300 درهم يوميآ لخدمة المشتركين (مع اني لاأتوقع انها توصل للـ 300 .. أتوقع تكون أقل )
   90 درهم مصاريف نثريه ( يعني فاتورة تيلفون وشاي وقهوه هههه .. الخ )
   وبهالشكل بتكون أرباحك اليوميه تقريبآ 1300 درهم .. يعني شهريآ 39000 درهم ( أرباح وااايد زينه ) :oooww:
   شوو رايك بالخطه ؟؟ صح ولا غلط ؟؟؟
   تحياااااتي لك .. واتريا منك الرد :vb_comean

   مرحبا اخوي الكاشخ صراحه عفيه عليك شرحت الاليه بالتفصيل الممل بعد

   مبدع اخوي وتسلم الغاالي على هالشرح والتوضيح وتستاهل شهاده 😉

   بس الحين قاصرتك شغله وحده الية التسويق اللي تحتاجها عشان تمشي المشروع لان لو نزل المشروع بدون تسويق صح ماراح تلقى منه نتايج بالعكس بيكون ثقيل ويمكن يتسبب بخساير ولو اني ماظن ان بتكن في خساير بس الارباح بتكون يالله يالله تغطي التكلفه

   بس بما انك وصلت للشرح لهني فاعتقد الموضوع الحين بيكون سهل عليك او على الاعضاء ان يقولون الية التسويق وماله داعي اشرح بعد من عقب شرحك

   بالتوفيق اخوووي على مشاركتك ووفرت علي الجهد صراحه وحبر الكيبورد 😉

Comments are closed.