مسافر الكويت وبغيت مشورتكم

18 thoughts on “مسافر الكويت وبغيت مشورتكم”

1. اخوي البروفسور

   طريق السلامه مقدما

   وبنشوف ان شاء الله بنتشاور بعدنا

   بس تعرف الليل هدوء وانا انسان ليلي

   ومافي احلى من السواقه اخر الليل وانت يالس تاكل خفايف وتسولف وتستمتع بالخط

2. حيالله باخونا حمد

   ماعليك زود وقصور يالغالي

   شاكر لك نصايحك الطيبه والمعلومات عن الخط

   يالغالي ساير انا وربيعي بس

   واذا الخط منور وجي كنا نفضل نسري بالليل بعد العشا

   عشان نوصل الصبح بعد شروق الشمس بشوي

   وان شاء الله ناوي احطلها التغبير يوم الاربعا

3. اخوي عاشق العين

   حياك الله في ديرتك الكويت ,,,,,

   اختي الحمد لله على سلامتك يااااااا Escape Life ,,,,, lonley girls اخوي رحال ,,,

   ماقصرتوا اخجلتوا تواضعنا أسأل الله ان نكون عند حسن ظنكم فالكم طيب ان شاء الله ,,,,,,,,

   اخوي عاشق العين بالنسبه للمسافه من دبي الى الكويت حوالى 1400 كج الوقت 16 ساعه تقريبا .

   انا مشيت في هذا الدرب بالليل وبالنهار بس افضل سفره النهار لانها آمنه خاصه اذا كان معاك عائله ,,,

   اخوي انت تعرف ان النهار له اكثر من عين ,الطريق غير منور وموحش خاصه بالليل وافضل مشيه بعد صلاة الفجر ,,

   اهم شيئ تقبر او تبرقع السياره من الأمام لان الدرب عادة يكون غبار والرياح بالأتجاه المعاكس ,,وذلك

   للمحافظه على الدعاميات والهيئه الأماميه ,,,

   الدرب من السلع __ بقيق ___ الإحساء ___ الدمام __ الكويت _ والحمد لله على سلامتك مقدما

   خبرني عن السكن للعائله ام شباب لكي اسأل لك عن الشقق لان اقرب موقع للمرينا السالميه ,,,,,,,,,,

   بأنتظار ردك الكريم وإذا محتاج اي شيئ اعطيك تلفوني على الخاص , حاضرين لأهلنا الطيبين ,,,,,,,

4. اخوي انا مسافر بالطياره ان شاء الله يوم الخميس

   وبيلس بس يومين ان شاء الله واشوف سعر الشقه

   جدا مناسب بالنسبه لشهر وخط السعوديه يبالك تركز

   فيه واحسن لك اطلع الصبح بما انها اول مره وانت ماتعرف الشوارع

   بالسلامه ياخوي والله يوفقك يارب

5. Escape Life
   
   الله يسلمج اختي وننتظر اخونا بو شهاب

   دقات قلب
   
   بصراحه انا طلعات الصبح احس عمري ابغي اغفي
   بس الليل اريح وهدوء والدرب سالك

   اليورو يار
   
   فكرت اروح بطياره بس لازم أجر هناك وانا بقعد فتره فوق الشهر وعقب بسير قطر ويمكن اعتمر في اخر الاجازه

   وبعدين مافي اريح من انك تسوق سيارتك تسير وانت مرتاح بالك الاجار بهدله

   lonley girls
   
   ان شاء الله اخونا بو شهاب مابيقصر وفي انتظار مشاركته

   وشاكر لج تواجدج ودعوتج الطيبه

   شيبتنا رحال

   الحل الي قلته طيب وكان مطروح بس بنقعد فتره وبعدين الاجار بهدله وماترتاح غير يوم تسوق موترك

   خلنا نذوقه الموتر حراره خط الغويفات عشان يشتد عوده

   وعلى طاري الحفر هل سافرت بالبر انت من قبل ؟؟

   لاني احيدهم عدلوا كثير من الشوارع التعبانه

   *

   وينهم ربعنا اصحاب الخطوط الطويله والرحلات البريه

Comments are closed.