السلام عليكم اشحالكم ؟
ابا مساعده و بليييييز لا تنقلون الموضوع لقسم لسياحه والسفر احس حد يدشه
ثاني العيد مخططين نروح البحرين بالسياره..و اول مره بنسير بالبر فابغي بعض المعلومات ولاجابات
1- شو المطلوب عند الحدود السعودية والبحرينية؟ ويطوفون بالهويه الحين ولا لازم الجواز؟
2- عند الحدود السعودية لين نوصل البحرين عادي انا اسوق ولا ممنوع لازم ريال اللي يسوق؟…والسياره لازم تكون باسمي ولا عادي باسم اخوي..؟…ولو مرهونه للبنك عادي ولا لازم رسالة من البنك؟
3- البشكاره الاندونيسية يحتاجون تاشيرة لدخول السعودية والبحرين واكلا ؟
4- بنت خالتي عمرها 20 جوازها يمني ..تحتاج تأشيره؟..وبيطوفونها في حدود السعودية بدون محرم وياها؟ ولا يبون صورة جواز ابوها ورسالة موافقه خطيه منه مثلا؟
5- اذا احتاجوا التاشيرة وين نسويها من السفاره هني ولا على لحدود؟
6- كيف خط السير من دبي للبحرين؟
7- شو احسن شقق فندقيه للعوايل تكون 4 نجوم اقل شي…يعني مكان نظيف ومرتب للعوايل؟
هالاسئله في بالي الحين….اذا عندي زود بسال عقب واللي بيزود في المعلومات يزاه الله خير
تسلم اخوي على المعلومات….انا لين السعوديه عادي بسوق واحب الخطووووط
بس شو عن البشكاره و بنت خالتي ؟
وبخصوص التامين في السعودية على ما اظن الاسبوع ب 70 درهم والبحرين الاسبوع ب 15 درهم وقيمه عبور الجسر 15 درهم.
و وين احسن نسكن في المنامه ولا المحرق ولا الجفير؟
نحن سايرين 4 ايام …بنطلع السبت وبنرجع الثلاثاء….وين احسن مكان…حق الحواطه
تسلم خيووووو والله يسلمك
على الحددود السعوديه لازم الجواز يكون معاكم
2- عند الحدود السعودية لين نوصل البحرين عادي انا اسوق ولا ممنوع لازم ريال اللي يسوق؟…والسياره لازم تكون باسمي ولا عادي باسم اخوي..؟…ولو مرهونه للبنك عادي ولا لازم رسالة من البنك؟
عادي أي حد يسوووق … هيه نعم ع الحدود لازم يكون بأسمج … وأذا الموتر بأسم أخوج لازم يسولج توكيل أتوقع هذا موجود في المرور … وأذا مرهوونه للبنك لازم تيبين ورقه موافقه من البنك
3- البشكاره الاندونيسية يحتاجون تاشيرة لدخول السعودية والبحرين واكلا ؟
ما أعرف
4- بنت خالتي عمرها 20 جوازها يمني ..تحتاج تأشيره؟..وبيطوفونها في حدود السعودية بدون محرم وياها؟ ولا يبون صورة جواز ابوها ورسالة موافقه خطيه منه مثلا؟
بعد ما اعرف … بس كان ويانا ولد خالي هو في الصف الثالث ثانوي عادي مر
5- اذا احتاجوا التاشيرة وين نسويها من السفاره هني ولا على لحدود؟
ما أعرف
6- كيف خط السير من دبي للبحرين؟
ما أعرف كيف أشرح بس لازم يكون عندج ماجلان في السياره بيكون أفضل لج … للعلم الخط والسواقه جداُ متعبه
7- شو احسن شقق فندقيه للعوايل تكون 4 نجوم اقل شي…يعني مكان نظيف ومرتب للعوايل؟
بصراحه مافي شي أحسن عن الفنادق
أذا بتروووحووون بالبر شلوووا معاكم فلوووس بالعمله السعوديه والبحرينه
لانكم بتدفعووون قيمه التأمين لكل الدولتين … وبعد في جسر مربوووط بين السعوديه والبحرين
بعد لازم تدفعووون رسوووم أستخدام الجسر
بصراحه أنا رحت وحسيت فعلاً بالتعب والأرهاق وخاصه نحن رحنا أخر الليل وكان ظلام
المهم هذا اللي عندي وبالتوفيق أتروووحووون وأتردووون بسلامه