للاسف عندنا قوانيين إعتباطية ومتعسفة جدا يعني اللي مسافر ويرد ويزخونة من اول يوم يتم بلا سيارة!!
تطبيق نظام المخالفات عن بعد بالعاصة
“وتقوم مديرية المرور بأبوظبي من خلال النظام الجديد، بمتابعة سير الحركة المرورية ومراقبتها إلكترونياً، ومن ثم رصد وتحرير المخالفات عن بُعد عبر تسجيل أرقام لوحات المركبات المخالفة مع تبيان المخالفات المرتكبة، كمخالفات تجاوز الإشارة الضوئية الحمراء وعدم الالتزام بخط السير الإلزامي والانحراف المفاجئ وعدم ترك مسافة كافية وغيرها من المخالفات الأخرى“
وشو بعد هذ؟ وشو المخالفات الاخرى؟ حزام؟
قمة القهر يعني عندي اشتراك في باركنات البلدية شارع حمدان خلف الب اتش اس (5700) سعر الاشتراك وما احصل باركن مخصص لي ولما اوقف خمس دقايق ينب الرصيف (على اساس عند باركن) يجيك مال موقف بسيكلة ويرش مخالفات ب 500 درهم!!!
فك الحجز احيدة ب 3000 درهم
شباب … كأنكم طلعتوا برا الموضوع الرئيسي ودخلتوا موضوع ثاني تم النقاش فيه من قبل ولم نجد له حل
الموضوع الحالي هو : حجز فوري للمركبات منتهية التراخيص بعد 10 أيام
اعلق عليه واقول .. هل من المنطقي اني من لحظة ما سجلت او جددت السيارة اني اذكر نفسي يوووووميا ولمدة سنة بموعد التجديد الثاني !!!
يعني افضي مخي من كل اشغال الدنيا وحياتنا اليوميه واقعد افكر في التجديد !!!
في الشرطه نظام حلو انه يرسلون لك مسج قبل اسبوع/اسبوعين بموعد انتهاء الملكيه ولمره واحده فقط .. اوكيه هذي تنحسب لهم
طب ليش ما يطرشون مسج ثاني يوم انتهاء الملكيه ومسج ثالث بعدها بفتره ولهم الحق بعدها باللي يسووونه
خل يحسبون المسجات هذي علينا حتى لو كان المسج الواحد بـ 10 دراهم (مثل استوديو 1 وامارات اف ام) ويفكون مثل تهديدهم لنا بحجز السيارات
عجبني رد المد الاحمر
دام الموضوع خارج عن الارادة عيل على الدنيا السلام
لو ترجع للموضوع الاساسي وهو نفسيات السائقيين من كثر الزحمة
انا اقراحي بسيط جدا
وهو يطبقون نظام ضارئبي يقدر 200% فوق سعر السيارة وموديل 2008 وفوق على الوافد (نفس الاردن وسوريا وبعض الدول العربية) اللي يبي ياخذ سيارة خاصة لان الصراحة دولتنا حالة خاصة المواطن ما يمثل اكثر من 15% فبلاده.
اوافقك الراي اخوي النادر وصح لسانك
يا اخواني لو سمحتولي بخالفكم الراي شوي ؛؛ سبب المخالفات واسعارها ؛ الناس قبل ايام الرادار مخالفته 100 و 120 مايخفون ع الرادار والحين يحسبوله الف حساب ؛وسبب زيادة رسوم المخالفات الناس المستهترين بقواعد السير والمرور ؛ يعني فيه ناس ملتزمه وماتدفع الا شئ بسيط ؛ وناس مستانسين على الدفع ؛ يعني اذا مخالفاته 60000 بيخفض المخالفات وبيدفع 30000 ولا همه مايحاتي رادار ولا اشارة ولا غيره ؛