السلام عليكم حبيت اعرضلكم فكرتي كمواطن ودخولي مهنه لايدخلها الى اخوانا الوافدين والحمدالله نجحت فيها وانا على خطا واثقه كي تنافس اكبر الشركات من نوعها واحب في ذلك مشاركاتكم سواء بالنقد الايجابي او غيره……………..حتى الان لدي فرعين في مدينة العين واحد في شارع خليفة في العين بجانب كنتاكي والفروج والاخر في الجيمي مول ( كارفور ) ارجوا منكم ان تعطوني رايكم بعد ماتجربونه وانا متاكد ان مافي انسان في مدينة العين شرب فرش من انولد لاني كنت مثلكم ويوم عرفت الشغله عرفت ان كل المحلات كانت تستخدم الالوان والاضافات والفواكه المفرزه الغير صحيه والحمدالله لاني قمت بالمميز باني ماااضيف ولا استخدم اي الوان ويضل الطعم طبيعي اصبح للمحل زبائنه وخصوصا اللذين وجدو الفرق ولم ينظروا للاسعار …………عجيب امر كثيرين اللي يستخسر بدرهم ودرهمين على حساب صحته وكثير منهم للاسف مع انه يحس بالام في البطن من بعض المحلات اللي ماتخاف الله انا ماقاعد اسوي دعايه انا حبيت بس اعرضلكم فكرتي والفرق بينها وبين من قاعد يخرب علينا في السوق فقط.

17 thoughts on “مرطبات جوس بالاس ( فكرتي )”

  1. من افضل العصاير والله الشاهد ..

    ذقت كذا نوع .. وصدق اللي تسوونه لا يعلى عليه

    يكفي شغلكم النظيف .. والطعم الغاوي ..

    واذا على السعر تراه جدا مناسب .. وانت تستاهل اكثر عن جيه ..
    احييك على الفكره .. ومشروعك ياخوي ناجح بالفعل ..

    والله يوفقك لما يحبه ويرضاه ..

  3. بصراحة جربت عصير من محلك …… كنت واقف عنده بالغلط و انا اطالع اللوحه و اقول انا شايفنها مكان و تميت افكر ….. لين اتذكرت بأنه صاحب المحل واحد من المنتدى نزلت و خذيت لي عصير.. اظن شفت رقمك على المحل و طرشت لك مسج الصراحة العصير فل اوبشن ما عليه زود. و سعره فيه و ربي ايوفجك.

  4. مرحبا اخوي ..
    اول شي قول هالدعاء لانه يفتج ابواب الرزق ..
    اللهم إن كان رزقي في السماء فأنزله
    وإن كان في الأرض فأخرجه
    وإن كان بعيدا فقربه
    وإن كان قليلا فكثره
    وإن كان كثيرا فبارك لى فيه ـ
    ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ

    اخوي انا بعطيك رائي بكل صراحة ..الزلمات مب احس عنا في شي لا تستحي ولا تخجل واوقف قدام الجميع واعلن عن مشروعك بكل فخر حتى لو في نظر الكثيرين انه شي ما يستاهل … ارفع سعرك ولا يهمك …يوم الاجنبي يرفع سعره محد يتكلم …ويوم ولد البلاد واللي احق بالدخل من غيره الكل يرفع صوته ويقول غااااااااااااااااااااااااااااااالي ..وراعينا شوي ..
    الشي الزين والمميز يفرض نفسه ..

    الله يوفقك ويفتح عليك من ابواب رزقه …واهم شي في شغله التجديد والدعاية ويقولون العين تاكل قبل الفم احيانا …

    تحياتي

Comments are closed.