السلام عليكم و رحمة الله و بركاته
بغيت اعرف شو رايكم بالمرسيدس الوارد من امريكا؟؟ بغيت اشتري مرسيدس من امريكا و حبيت اعرف شو رايكم؟؟ من ناحية الاعطال و الخراباتو الصيانة و توفر القطع.
السيارة اللي بيبها E350 موديل 2006 الى 2008
و يزاكم الله خير لكل اللي بيشاركون فالموضوع
بالتوفيق ان شاءالله
اسمحلي اخوي ع هالمداخله بس الضمان الدولي 3 سنوات و ووكالاتنا الموقرة ما تعطيك 3 تعطيك سنتين… و بخصوص السيرفس كونتراكت عند شركة المارات للسيارات تروم تشتريه ع 3 سنين اما قرقاش فما عندي خلفية
المرسيدس ضمان عالمي 3 سنوات ,
ومثل ما قال أخوي ترتوب ..
بعد أذنك اخوي صاحب الموضوع ..
عندي سؤل .؟؟
بالنسبة للوارد أقدر آخذ له ضمان من قرقاش ؟؟ وبكم يكون الضمان ؟ وعلى كم سنة ؟؟
والسموحة ع المداخلة ..
الوارد أفضل من الخليجي بألف مرة و إلي يقولك غير ها الكلام قوله إنته غير مثقف و مب فاهم في السيارات, الوارد = عدد أعمدة الحديد داخل البودي أكثر و سيفتي أكثر, مواصفات أكثر, سعر أفضل, مافي فرق أبدا هم الاثنين يطلعون من مصنع واحد و الوارد يعيش و يعمر و خراباته أقل من الخليجي خاصة المرسيدس ! خذ مرسيدس وارد و إنته مغمض .