تصدقون شو اللي يالس يصير في السعوديه
شباب من الامارات كانوا طالعين من البحرين بالسياره راجعين الامارات
زخهم الرادار وكالعاده وقفوهم بس الغريب في الموضوع حجزوا سايق الموتر 48 ساعه في السجن
مادري هالقرار اللي نازل عندهم ( سجن السايق ) .في الاحساء
لا ويوم ساروله ربعه اللي كانوا معاه في السياره في السجن تعرفون شو شافوا
6 من قطر 2 من الامارات محجوزين في السجن . والشباب ما خلوا مكان ما اتصلوا ( يعني شغلوا واسطاتهم ) بس بدون فايده بالعكس زادوا السايق 24 ساعه زياده في السجن .
اناشد كل اللي يسافرون في البر ان الرادار يصور فوق 125 كم في الطرق السريعه في السعوديه
((( متى بيتفقون على انشاء جسر بينا وبين قطر . عسب ما اندش السعوديه خير شر )))
حسبي الله ونعم الوكيل
هههههههههه
يعني كم السرعة المسموحة على الطرق الخارجية واعتقد انها خارج حدود المدن يعني مفروض يكون فيها تساهل ؟؟؟؟؟؟
لو يطبقون هالقانون عندنا
بنستوي كلنا خريجين سجون
بس لو يفيدونا الإخوان بالسعودية عن الخطوط اللي فيها رادارات .. يعني بالإمكان تجنب السرعة …
أو ننتظر حد من اللي راحوا هناك وردوا .. لنشوف …شو صار معهم ,,,
مع أن السفر لبلاد الشام وأنت ماشي 160 كم محتاج 30 ساعة ,,,
يعني لو تمشي على السرعة المحددة الآن …بتوصل بعد 30 يوم ,,,,
طبعاً نحن نحترم قوانين أي دولة … ندخل أراضيها … بس المفروض موضوع سجن وغير ذلك …يكون بعيد عن الناس اللي داخلين بس للعبور
…. خليها غرامات مالية وفلوس يا حيهم … أما سجن أعوذ بالله … …
بصراحه بدون زعل شركة السعوديه مافيهم احترام ..
اسف على هذا الكلام بس هذا الشي انا شفته بعيني اكثر من 10 مرات
يعني كل مره اسافر فيها طريق للبنان في الصيف يزخني الرادار ويتم يتفلسف ويعطيني ورقه طويييييييله تقول لسته مال كارفور واخر شي يقولي بتجيك الامارات روح ادفعها هناك وانا صارلي اكثر من 10 مخالفات يمكن ولا دفعت ربع مخالفه لانها ما توصل .. يا خوفي توصل مره وحده بس وينكم الرقم حقيته من زمااااااان هههههههههههههه