السلام علييكم .. شحالكم جماعة
انا عندي 100 الف درهم ابا استثمرهن بس ماعرف كييف اللي يعرف لا يبخل علي بنصيييحته لأني محتاجة نصييحة ابا ادخل محفة بس الخووف من الضماان ماحس في ضماان معقوول
بشوو تنصحووني اسهم المضاربة ولا محفظة واذا محفظه اي محفظة تحسوون انها اوكي
واذا شي ثاني شووو ..؟؟
اختي بصراحه اذا انتي ماعندج خبره بالاسهم عليج بالمحافظ الاستثماريه المختصه بالاسهم
عندج محفظه الضمان من احسن المحافظ الموجوده بالبلاد وبدون مبالغه…..ارباحها ممتازه جدا
صاحبها شهاب قرقاش وهو رجل اعمال معروف جدا وناجح
بس اعتقد اقل مبلغ يجب انه يكون بحدود 200 الف درهم
والله أنصحك بجزء من المبلغ بأستثمار متوسط الأجل بالسوق ..
وحطي جزء بالمحفظة / بعد الاستخارة
بس نصحية
أذا فكرتي أدشين محفظة
أنصحك أنك أجمدين الأرباح الشهرية بالحساب . لين ما قبل نهاية العقد
وعقبها قرري بصرفها أو بأستثمارها ..
عشان لا سمح الله أستوى أي تلاعب من من قبل صاحب المحفظة على الأقل بتكونين محتفظة جزء بسيط من الأرباح الشهرية وهي من الأصل بيزاتك
ما أنصحج بالاسهم لأنها يوم فوق ويوم تحت وبصراحه السوق ماله أمان إلا إذا حابه تجربين بجزء من المبلغ
كنت في الاسهم فترة حمدالله كنت اظهر منها ارباح ويتني فترة خسرت وعقبها ربحت وعقبها فترة جمدت فلوسي مابين شهر وشهر ونص وما صدقت ان السهم ارتفع وبعت
وعقب ودرت الاسهم ورحت المحافظ وحمدالله ولله الحمد الامور طيبه
انصحج اولا يا اختي انج تصلين صلاة الاستخاره مرة ومرتين وثلاث وعسى ربج يوفقج ان شاءالله
بس انا اشوف الخوات الي يشاركن في قسم البيع والشراء امورهن طيبه استشيريهن وشاركيهن وربي يوفقج
مرحبا ام مايد
اشتري فيها اسهم استثماريه وتوكلي على الله وريحي بالج مثل اتصالات او سواتل
اهم شي راحه البال والله يوفقج