بصراحه و بدون زعل صارتلي اكثر منمره و خصوصاً يوم حد يكون وياي في السياره و انا مشغول اتكلم وياهم إنه إللي يفول السيارة بترول ما يرد الفلوس كامله و ياخذله خمس او عشر ,, بس ما دروا إني اتغداهم قبل ما يتعشوني ,, و المشكله انهم دايماً يكونون عرب !!!
خصوصاً هذا إللي في مجطة ادنوك القديمه إللي عند وكالة البي إم في ابوظبي
عطاني الفلوس ويوم حسبت و قتله ناقص جان يقول منا حاديلك ديلؤتي
الله يعين ………………………..
يارب ينعدل الحال سرقة عيني عينك
صار لي موقف الى الان ندمان عليه كنت توني في بداية 18
رحت اتصور في ارقى استيديو في العين
كان 8 صور بــ 20 درهم تصدقون شل عني 40 درهم واستحيت اني اكمله لان كان عدالي (بنات)
بس هو عطاني صورتين اكبر من الباقين لكن انا ما طلبت هالشي
لكن احينه والله على النص درهم اقعد احاسب للي يضحك علي … وللي يقدم خدمه وما ينتظر مقابلها شي ازيده
انا فنشت واحد وافد (عربي) من الي يصبون البترول (شيشة البترول ورا بيتنا)
وانا كنت اعبي السيارة دائما 70 الى 72 فول فول لاني كنت افضي التانكي لكثرة الخطوط و كنت خلاص اعرف السيارة بكم تتفول.
عبيت مرة و لما بغيت ادفع قالي 75 (ولا مرة صارت) عطيته
والمشكلة وانت فالسيارة ما تقدر تقرأ عداد الارقام لان مب واضحه الشاشة (الشاشة القديمة)
و المرة الثانية قالي 74 درهم (نفس الشخص) و عطيته
والمرة الثالثة قالي 75 درهم نزلت من السيارة و شفت العداد 69 درهم !!!
تخيلو مثلا يعبي حق 100 سيارة فاليوم
100 * 3 دراهم مال حرام = 300 في اليوم وفي الشهر 3000 درهم
يعني يطلع اكثر عن معاشة
على طول بلغت عليه ادنوك للتوزيع و فنشوه.
انتبهوا لما تصبون البترول طالعوا المبلغ.
الحنون فيهم طبع الصرقة …
مره عبيت بترول …. ب150 .. عطيته 200
باقي لي 50
الحبيب سوى عمره مشغول ولبسني
قلت بتلبسني ألبسني … برويك … مابحرك ساكن ….
تميت واقف …. قالي جدم سيارتك
قلت له …. هات الباقي بحرك … قالي أوووه سوري أرباب هههه قلت له خل عنك مب علي
تبين حركته وهو مرتبك
مشكوره ظبيانيه على التحذير
انا دوم ادش واخذ ومافكرت عمري احسب .. واغلب الناس جيه
يسون ، ماتشوفين الهندي يشتغل سنه وسنتين وعقب يستوي
ملياردير لوووول
اسميج فلختيبهم ^_^
حاله فرديه وتستوي في اي مكان
علينا الانتباه