اخواني الأعزاء أخواتي العزيزات,, السلام عليكم ورحمة الله وبركاته

طبعا تعرفون كيف الواحد يحتار يوم بيي يظهر سيارة

أنا ان شاء الله ناوية أظهر SUV و محتارة بين نوعين بس

الأول PORSCHE CAYENNE GTS

مع العلم ان شكلها تغير تغيير كامل من ناحية التقنيات .. تغييرات بسيطة من الخارج و تغييرات ملحوظة من الداخل يعني هذا الــ new generation

الحين كل اللي أباه منكم آرائكم و مشورتكم بس ما بين هالنوعين و رايكم يهمني

9 thoughts on “محتارة Cayenne GTS VS RR Sport”

  1. انا عن نفسي الصراحة اشوف X6 احلى بوايد من هالسيارتين من ناحية الضمان ومن ناحية الاستخدام
    ضمان 5 سنين وين تحصل شركة او وكالة تعطيك ضمان لمدة 5 سنين شركة واثقه من نفسها
    شكلها حلو وسيارة يديده
    البورش بيتغير شكله في 2011 شو الفايده وقطع غيارة غالية وتشييكاته غالية وكل سنتين يغيرون شكله والأخس من جذيه طلبيه وكل ما تضيف شي فيه تدفع 10 ألآف درهم من ناحية الخشب او شعارات البورش ….إلخ

    الرنج السبورت انا عن نفسي كان عندي واحد وبصراحه يمكن السيارة الوحيده اللي ندمت اني خذتها من كثر الخرابات واستخدامه مب شي وكل يوم طايح في الوكالة – وبخصوص الشكل ما تغير وايد من ناحية الشكل الخارجي بس من الداخل غيروه بس علشان ما يخسر شعبيته والحين استلمته شركة تاتا الهنديه، اول ما تشغلين الشاشه بيظهرلج فيل – يا خسارة الفلوس فيه.

    وتحياتي لج

  2. في رأي البروش جي تي أس … الأفضل

    صراحه الرنج سبورت ما يستاهل ولولا أن أسمه رنج روفر ما أحد دفع فيه هالقيمة …. اذا في خاطرتج الرنج عليتش بالرنج العادي .. أفخم .. وأجمل من الأسبورت في رأي الشخصي.

    بالتوفيق على العموم

  3. السلام عليكم ورحمة الله وبركاته

    اختي اول شئ شوفي شو الافضل من ناحية السيرفس و الضمان

    وبعدين رايي انه الرنج افضل
    لا تنسين انه بكون يديد وموديل السنه

    يعني عندج جدام كم سنة تستخدمينه وتضمنين انه مابيتغر شكله بالكامل بس تغيرات عاديه يمكن مب اكيد

    اما بالنسبة للبورش انتي قلتيها شنة 2014 بيتغير
    يعني حرام تنتظرين فتره لين مااخذينها من الوكاله وانا اللي سمعته البورش يتاخرون لين ماتحصلين السياره

    وبعدين حتى لو فكرتي تبيعينها بيقولون لج بيتغير شكله جريب ويمكن مايعطونج فيها سعر

    انا اشوف افضل الرنج

    وهذا رايي
    وبالتوفيق يارب

  4. هلا مريومه لا تحتارين انا بعطيج بنود وامشي عليها
    اهم شي حاولي ماتتسرعين
    السعر قبل الشراء
    السعر بعد الشراء
    التشييكات والضمان
    سعر قطع الغيار
    وان شاء الله نشوفج في احدى السيارات حبيبتي

  5. علييييييييييييييج بالبوووورش
    والله ناعليه كلام
    انا كنت شراتج محتار بينه وبين الرنج السبووورت
    بس فالاخير الله وفجني وخذت البورش
    بصراحه غير
    وسواقته اريح عن الرنج
    واكشخ
    وبعدين يتحمل المكده انا مطلع عينه من الرمله ولا يقول شي
    الحمد لله
    توكلي على الله وخذي بورش وهذي نصيحه اخو

Comments are closed.