السلام عليكم ورحمة الله وبركاته
أخواني ياريت نصيحتكم.. ابغي اشتري سيارة للدريول لتوصيل الاولاد المدرسة ، ونقضي مشاوير البيت..
ومحتارة بين سيارتين وياريت تنصحوني باللي احسن من ناحية السيفتي ، الكراسي المريحه ، عملية ، ما تتعلل وايد، وفيها مكان اوسع للاغراض..
محتاره سيارتين
1- chrysler grand Voyager
Honda Odyssey -2
السيارتين موديل 2009 كلهن يداد من الوكالة و لاني مستعيله ماروم اصبر لين ماتنزل 2010
يا سلام.. تيوتا هوندا هايونداي أو الكيا ما تقول لا بعد.. سياره مجربه وتستحمل ورخييييصه
الهوندا مضمونه 3 سنوات والكيلو مفتوح خلالهن بس عقب.. الله المستعان
وتقدرين تاخذين عليها خصم أول 5 أقساط إذا تمويل والزيبرت والمخفي مجاني
وأول 20000 كيلومتر التشييكات مجانية.
والله يوفق كل مسلم
كرايسلر الزمن …
يا الهوندا … يا البريفيا من تويوتا …
و الاخوان كفو و وفوا .. عيني عليهم بارده
و بالتوفيج الشيخه و ربي يخلي لج عيالج
اختي مايحتاي تفكيير ابعدي عنا لامريكي وخصه الكليسلر كانت عندنا كلها مشاكل واعطال اخذي الهوندا وتوكلي على الله موتر يتحمل جونا الحار وممتاز
عن تويوتا “بريفيا” كنا حاطينها في بالنا بس المشكله قالوا لنا خلصنا من الوكاله ولازم نصبر لين ما ينزلن 2010 ونحنا مستعيلين مانروم نصبر شهر .. الاولاد الله يحفظهم بدا دوامهم في المدرسه..
شكلي بستخير وبتوكل على الله وبناخذ الهوندا
يزاكم الله كل خير اخواني ما قصرتوا ..
جعله في ميزان حسناتكم..