السلام عليكم ورحمة الله وبركاته
أخواني الحمد لله فتحت مشروع وهو عباره عن (((كافتيريا ))) وهذا اول مشروع لي وانا ما عندي خلفيه بإدارة المشاريع فياليت تعلموني كيف أدير المشروع يعني هل هناك سستم أو برنامج معين أكتب فيه كم بعت وكم زبون وكل شي لليوم الواحد..
الكافتيريا فاتحنها من 5 شهور تقريباً
عدد العمال الي فيها 5 عمال
الي ماسك الكافتيريا حاليا واحد من العمال الخمسة .وهو يديرهم ويدير الكافتيريا
الحمد الله دخل الكافتيريا شهريا جيد .. لكن الشي الي يضايقني ان اغراض الكافتيريا خلال شهر يوصل فوق ال10000 !!!
يعني مثال الشهر الي طاف كان مدخول الكافتيريا 23000 لكن قيمة المشتريات 18000 !!!
تبقى لي 5000 درهم
بعد خصم رواتب العمال الخمسه يبقى 4700 درهم
مافي شي بجيبي !!! وبالعكس فاتورة الكهرباء دفعتها من جيبي !!
ماعرف كيف اتصرف .
انافتحت حساب للكافتيريا وعطوني شيكات
شوفايدة الشيكات او كيف اقدر استفيد من الشيكات ؟..
وهل اجبر العامل انه يوميا يروح البنك ويدخل الايراد اليومي بالحساب؟
الحسبه كيف تكون
كيف اعرف كم سندويشه باع وكم عصير باع ؟
بلشت عمري بهاي الكافتيريا
موفعها ممتاز ودخلها ممتاز ..لكن في شي غلط بالحسابات .وماقدر افهمها ؟
ياريت اذا في حد من الاخوان محاسب او عنده خبره بهاي الامور ..يفيدنا
والله يجزيه خير ..لان صدق انا بحاجه لحد ينصحني ويرشدني
وسبحان الله يمكن في ناس وايده محتاجه انها تفهم كيف ادير مشاريعها
وهو بيفيدنا فيها 
السلام عليكم
مرحبا اخوي المزروعي
المواد المستهلكه 15000 والمواد المستديمه 3000
هاي الحسبه الله ياخذها مب عارفينها لوووول
بس الحين الحمد الله من مشاركات الاخوان بديت افهم شوي كيف احسبها
لكن يبالي شوي بعد
والله يوفقني ويوفق الجميع يارب
السلام عليكم
اخوي نصرتيتو 10
شكراً على هذا الشرح المبسط السهل ..
وان شاء الله باجر بيلس بالكافتيريا يلسه . وبحسبها صح ومثل ماقلتلي
الف شكر لك ولمداخلتك
السلام عليكم
مرحبا اخوي ارباب
اشكرك على المداخله الطيبه
انا مثلك بعد قلت مستحيل ان مشتريات خلال شهر يطلع 18000 بعدين اذكرت ان من ضمن ال18000 كنت شاري طاولات واشجار طبيعيه لواجهة الكافتيريا يعني المبلغ 3000 درهم تقريباً
لكن تتوقع ان المشتريات ب15000 معقوله خلال شهر واحد !!
وترى هالي حاب اعرفه الحسبه .. كيف احاسبهم
السلام عليكم
مرحبا اخوي tudio5five اشحالك ان شاء الله طيب
اخوي فعلا مثل ماتطرقت المشروع مايحتاي لا اجهزة ولا الالات
الخبز والصمون هو يويما يشتريه مره ب50 درهم ومره 45 درهم
على حسب الحاجه والكميه المطلوبه
بخبرك هو شو مسوي هذا العامل ..
فاتح دفتر . ومسجل فيه دخل اليوم + المشتريات + المتبقي
يعني هو بعد مايسكر الكافتيريا على الساعه 2 او 3 الفير يحسب يشل الفلوس ويحسب كم باع هو فهاليوم
وبالنسبة لكراسة البيع كل سندويشة وكل عصير بخليه يسجلي ياهن بدفتر . مثل ماقلت
واشكرك على المداخله .. وحياك الله باي وقت اكبر عصير كوكتيل وببلاش لك
السلام عليكم
مرحبا اختي ام شيخه
صدقيني ياختي حتى لو ماعندج خبره كبيره فهالمجال مشاركتج هو دليل على حرصج ل مساعدة اخوج
انا شاكر لج مداخلتج الطيبه ..وبالنسبة للفشل اتمنى ان هذا الشي ماياثر فيج ..وبالعكس يكون دافع لج
انا بحياتي فشلت بشياء وايده .لكن احاول اتعلم واستفيد .
بالنسبة للعمال فعلاً كلامج صحيح في واحد تفك برزه . هو وغرشة الكاتشب الي على الطاولة واحد لووووول
مايسوي شي . بيتكنسل جريب . بالبداية صبرت عليه وايد وقلت بخاطري حرام اقطع رزقه . لكن هو مب قد الشغل .
بالنسبة للدخل اختي .فعلاً دخله وايد ممتاز والحمد الله .. تصوري الكافتيريا مافيها سياره للتوصيل للمنازل
يعني الدخل يومياً 800 او 700 او 600 . لكن لو يبت السياره للكافتيريا . بيكون في توصيل للمنازل وبيزيد الدخل ان شاء الله واتوقع يوصل 1200 او 1500 وميزة الكافتيريا ان في 3 شعبيات وهاي المنطقه مافيها كافتيريا
ان شاء الله يكون أمين . مرات اقول حرام مابغي اظلمه واشوفه هو متحمس للشغل
متى احسه انه مب أمين .. آآخر الشهر يوم اشوف ان ولاشي دش بجيبي لووووووووول
اشكرج على المداخله والله يوفقني ويوفقكم ان شاء الله