السلام عليكم
شحااااااالكم؟
كل عام و انتوا بخير و مبروك عليكم الشهر الكريم
….
اخواني و خواتي
محتاجة مساعده….
انا ناوية ان شاء الله ابدأ مشروعي الخاص وهي عباره عن مستحضرات تجميل…يعني سوالف مكياج و كريمات معطرة والخ
ومحتاره شو اختار اسم للماركة…وعصرت مخي ادور اسم عربي…لو ينكتب بانجليزي بعد يطلع حلو وسهل…وما لقيت
فقلت مالي الا ازخكم تساعدوني غصب و تقترحون علي اسامي غاوية
ابا اسامي حلوه تدل عى الجمال….كنت حاطه في بالي يكون الاسم بالعربي لانه ان شاء الله بتكون اول ماركة اماراتية عالية المستوى لمستحضرات الجميل….فبغيت اسم غاوي…
ومب مشكلة لو مافي اسم عربي ..اقترحوا علي اسم اجنبي مثلا ايطالي او فرنسي
ابا اسم يدل على الجمال او شي يخص الجمال ومستحضرات التجميل ويكون غريب مب متداول وايد.
ادريبكم خوان وخوات شمه وما بتقصرون
واللي بختار اسمه …له هدية من المنتج….وله خصم خاص ان شاء الله لمدة سنه ان الله وفقني لين سنه و مشى المشروع >>>> عاش التشجيع لووول 
يلا شدوا الهمه….عشان اسوي اللوجو وابدا المشروع قبل العيد ان شاء الله
طلعوا الناس اللي يخششون بيزاتهم اممممممممم
بنقترح عليج بس نبا نسبة في الارباح 5% مع حفظ حقوق اقتراح الاسم في الدائرة الاقتصادية+ وزراة الصناعة + غرفة التجارة والصناعة + جمعية حماية المستهلك +
كاتب العدل + توثيق في محكمة العدل الدولية
وعقب فالج طيب
مبروك على المشروع يا بزبزس ووومان
رمضان كريم مس فووووووولك و كل عام وانتي بخير طال عمرج
حلو الاسم غريب…بس صعب ينقرا بالانجليزي Fuqa’aat
شو رايج بالإسم
Gaweah – غـاويه
Gawa – غوى
فقاعات OoOoOoO
حبوبة..
أولا..مبروووك مقدما..بزنس حلو..
وثانيا..يا حبذا لو يكون الأسم أماراتي محلي بحت…بما أنه بيكون على مستوى الإمارات..
وصدقيني..لو يكون الأسم عادي..بس مع الشهرة والإعلانات..والصيت..بيغدي كبيير..وله صداه..
هذا مجرد راي..
وإن شاء الله بنفكر لج…
وبالتوفيج،،